خدمة الجرجرة الروحية

[walaa farouk]

الخادم الاكثر خطرا على الخدمة....ليس هو الخادم الكسول ولا الخادم المعثر(رغم خطورتهم) ولكن الاكثر خطرا الخادم المؤثر الذى يربح النفوس لنفسه وليس للمسيح.....طيب ونعرفها ازاى دى؟؟؟؟؟
اقولك ...فى حوار مع احد الشباب
باسأله عن عدم حضوره اجتماعه فكان من ضمن اسبابه
ان الخدام اللى كانوا قريبين منه وبيحبهم ومتعلق بيهم
مش موجودين فى الاجتماع ده....ففي الاول قلت كلامه صح برضه ولكن فى وسط الكلام قال معلومة لفتت نظرى جدا وهى انه اخر مرة حضر قداس واتناول كان فى عيد القيامة ...يعنى داخلين على ٣ شهور....فسألته: هو الخدام اللى انت بتحبهم دول موافقين على انك بره الكنيسة كده ؟؟؟فقالى ماهم دلوقت مش بيخدمونى....فقلتله كده الكلام مش صح..
..لان الخادم الصح هو اللى يغرسك فى الكنيسة والليتورجية القداس والتسبحة والاعتراف(هو بقي له فوق السنة ماعترفش) والاصوام.....الخ.

....لكن انك ترتبط بشخص الخادم دون شخص المسيح
المتمثل فى جسده اى الكنيسة ......[[[[[
ومهما بعدت عنهم تظل محبة الكنسيات والروحيات جواك]]]]]
المشكلة ان هذا الخادم المؤثر علاقته بالكنسيات اصلا ضعيفة

لأَنَّ مِثْلَ هؤُلاَءِ لاَ يَخْدِمُونَ رَبَّنَا يَسُوعَ الْمَسِيحَ بَلْ بُطُونَهُمْ

. وَبِالْكَلاَمِ الطَّيِّبِ وَالأَقْوَالِ الْحَسَنَةِ يَخْدَعُونَ قُلُوبَ السُّلَمَاءِ. (رو ١٦ : ١٨)

اربط ولادك بشخصك كمرحلة ثم (جرجره) وراك على المذبح
والتسبحة والاعتراف والاصوام والكتاب المقدس
مش (هرى) كلام على الفاضي لكن لو خدمتك لهم
لم تثمر ارتباط حقيقي بوسائط النعمة
وتبقوا بعدتوا عن بعض مسافات وازمنة وتظل مبادئهم مغروسة وحية فيك....سامحنى انت كده خادم خطر على الخدمة

[Mary Naeem]

اربط ولادك بشخصك كمرحلة ثم (جرجره) وراك على المذبح
والتسبحة والاعتراف والاصوام والكتاب المقدس\

صح يا قمر
ربنا يباركك حببتي

[walaa farouk]

ميرسى على مرورك الغالى