باحبك يا عبد الوهاب

[walaa farouk]

في واحد من أجمل حكايات الدراما المصرية بنشوف مشهد غير ..
مشهد بيقلب احداث المسلسل ، بيسموه كدة في السيناريوهات ( turn point ) ✨

المشهد دة لما الأب خد ابنه في حضنه وبكوا الاتنين ♥️

رغم إني اتفرجت علي المسلسل دة كتير لكن كل مرة باشوف فيها
المشهد دة دموعي بتغلبني 😥

عبد الغفور البرعي بيقول لأبنه " انا باحبك يا عبد الوهّاااب
، باحبك بجد "..

الكلمات دي مع باقي الحوار المتبادل بينهم هي اللي ساهمت في إعادة تعريف "هوية" الشاب المسكين ده.. اللي راح حفر آبار
و خبط أبواب كتيرة محاولة لإيجاد نفسه بعيد عن ( جلباب أبوه) .. 🏃

١-في التدين : و إطلاق اللحية و ممارسة الشعائر الدينية .
٢- في الهجرة : و التعليم خارج البلاد و الرجوع بلا هدف أو شهادة .
٣- في العلاقات : بزواجه من فتاة أمريكية
محاولة لإيجاد هويته الحقيقية معاها وفي بلدها ..
و غيرها و غيرها في أحداث المسلسل ......

في النهاية الابن اللي كان بيدور ع نفسه طول الوقت بعيد
عن أبوه أصبح أفضل و أنجح نسخة منه لما اتقابل
مقابلة حقيقية مع أبوه
و حصل بينهم تواصل حقيقي ( link ) .. 👈👉🏿

عزيزي ، إبنك محتاج من صغره لتواصل حقيقي
علي كل المستويات معاك ، متحرمش نفسك و تحرمه من كدة ، لأنه صدقني في تمن بيدفع
، و التمن دة بيكون غالي اوي .. 😊