|
 |
 |
 |
|
|
|
رقم المشاركة : ( 1 )
27 - 09 - 2024, 01:14 PM
|
|||||||||||
|
|||||||||||
 التغيير رحلة: ساعات بننسى ان حياتنا كلها هي عبارة عن رحلة تغيير و نمو لصورة المسيح ( نَتَغَيَّرُ إِلَى تِلْكَ الصُّورَةِ عَيْنِهَا) بس الأهم بقى اننا بننسى ان الرحلة دي مش هتمشي خط مستقيم …بالعكس ، معظم الطريق تخبط وتشتت وكعبلة و رجوع لورا … وبعدين تتوه في سكة غلط لحد ما تفهم السكة منين… زي الطفل اللي بيحاول يمشي مش اول ما بيتولد بيجري لا الاول بيحبي ..وبعدين بيحاول يقف و يقع كتير و يعيط ..و في الاخر بيمشي ((تاتا تاتا))… ده حتى يا أخي الأطفال في منهم اللي بيتأخر في المشي عادي يعني… للأسف، مجتمعنا بقى عبارة عن ساحة حرب و مقارنات في كل المجالات والمهم مين اللي واخد اللقطة حتى جوا الكنيسة … مبقيناش بنقبل المخدوم او الشاب اللي لسه من الاخر بيحبي روحياً وماشي تاتا تاتا لا عايزين كله يبقى بيجري و غير كده ملهوش مكان عندنا… ألحان و تاريخ كنيسة و عقيدة كله بقى بيحفظ لأجل الshow والتنطيط و وقت و مجهود ضايع بالساعات بدون تغيير حقيقي … مش بقول منحفظش بالعكس تمامااااا بس المهم يكون لأجل رحلة تغييرنا لصورة يسوع… ملكش دعوة بكل ده امشي مع يسوع ((تاتا تاتا)) خليك مبسوط بالعشرة معاه حتى لو بتقع معلش انت لسه في السكة خلي عينك عليه و هتلاقي رجلك بتجري لوحدها ♥️♥️ "اجذبني ورائك فنجري" (نش١: ٤)🥰🥰🥰 
|
 |
|
العرض المتطور