لقاء شامل مع حبيب الكل بمناسبة عيد ميلاد الفرح المسيحى السادس-حديث من القلب مع الأستاذ رامز

[nasser]

كعادته لم يتردد لحظة فى أى طلب نطلبه وعندما طلبت منه أن يكون هناك لقاء معه بمناسبة عيد ميلاد الفرح المسيحى السادس وافق على الفور وابدى سعادته بهذا اللقاء.
الأستاذ رامز دايماً مهتم بكل حاجة فى المنتدى وبيخاف عليه وبيحتوى أى مشكلة بخبرته ولما يلاقى فى أى وقت أى خادم أو خادمة مضايق من أى حاجة بيحاول يحل الموضوع لأنه عارف ان كل ده من عدو الخير اللى دايماً عايز يعطل الخدمة والقديس الأب متى المسكين كان قبل كده قال لما يكون عندك فتور روحى أو بعيد عن الكنيسة أوعى تتخذ قرارات مصيرية أو تكلم بغضب لأنك مش انت اللى بتكلم ولكن عدو الخير ولما ترجع الكنيسة ابقى اكلم وعلشان كده الأستاذ رامز مهتم اوى بهذا الموضوع لدرجة انه عامل قسم خاص فى المنتدى عن حروب عدو الخير.
وحبيب الكل لم يأت من فراغ لأنه فى كلمتين أحبنا فأحببناه
فى بداية اللقاء كل سنة وانت طيب يا أستاذ رامز بعيد ميلاد الفرح المسيحى السادس والسنة القبطية الجديدة

[Ramez5]

كل سنة وانت طيب يا أ/ ناصر
وكل سنة ودايماً كلنا مع بعض متجمعين بالحب فى الفرح المسيحى

[nasser]

+واحنا بنحتفل بالعيد السادس للفرح المسيحى ايه شعورك فى هذه الأيام الجميلة؟
+ما سر اختيارك لاسم الفرح المسيحى؟
+من هو شفيعك ومن هى شفيعتك؟

[Ramez5]

واحنا بنحتفل بالعيد السادس للفرح المسيحى ايه شعورك فى هذه الأيام الجميلة

شعورى ان المنتدى بيكبر قدام عينى وبيتميز كل سنة عن اللى قبلها
ودة بيرجع لفضل ربنا علينا ومحبتة لينا وكمان بيرجع ليكم ولمحبتكم وعطائكم

ما سر اختيارك لاسم الفرح المسيحى

حبيت أقدم خدمة مميزة ليها علاقة بفرح حقيقى من خلال ربنا يسوع
وكان بداية اختيار الأسم من خلال الأية ( افرحوا فى الرب كل حين )
فكان لازم يكون لينا رسالة فرح وسط صعوبات العالم وحروب عدو الخير
ودة من خلال منتدى الفرح المسيحى
وبالفعلا ناس كتير لما تدخل المنتدى بتفرح وبتلاقى سلام داخلى

من هو شفيعك ومن هى شفيعتك

شفيعى مارجرجس الرومانى والأنبا موسى الأسود
وشفيعتى العذراء مريم ام النور

[nasser]

دايماً يا أستاذ رامز...وفعلاً الواحد لما بيدخل المنتدى بيحس بالفرح الحقيقى
+ما هو أبرز موقف أحسست فيه بيد الرب معك؟
+ما هى مقاييس الخدمة الناجحة فى نظرك؟
+متى يشعر رامز بالسعادة وما هى أحلى أوقاته؟

[Ramez5]

ما هو أبرز موقف أحسست فيه بيد الرب معك

نجاح الخدمة فى المنتدى ومحبة الجميع له شعرت بيد ربنا تعمل معنا
مواقف كتير وأشكر ربنا عليها .....

ما هى مقاييس الخدمة الناجحة فى نظرك

الخدمة الناجحة ترجع الى الخادم او الخادمة
فالخدمة ثمار ، فعلينا ان نهتم بها ثلاثون وستون ومائة
لكى نسمع هذا الصوت المفرح ( نعما أيها العبد الصالح والأمين كنت أمينا في القليل فأقيمك على الكثير)
كل واحد مسئول عن خدمة ويحزننى كثيراً عندما اجد البعض متواجد ( لايهتم بالخدمة ) فكل ذلك ملحوظ ...
كل واحد له دور فى توصيل كلمة ربنا
وعاوز كل خادم يسأل نفسة كل يوم
ياترى انا انهردة عملت اية فى الخدمة فرحت بيه قلب ربنا يسوع ؟
ياترى خليت كام واحد قرب من ربنا من خلالى ؟
ربنا اخترنى للخدمة فهل انا كنت أمين ان اوصل الناس لربنا ؟

متى يشعر رامز بالسعادة وما هى أحلى أوقاته

اشعر بالسعادة عندما اجد خادم يهتم بخدمتة وينميها
وافرح اكثر عندما اجد هذا الخادم قدر يوصل من خلال خدمتة فرح وسلام داخلى لمن يحتاج

أحلى أوقاتى عندما اذهب الى دير الأنبا بولا لقضاء الخلوة

[nasser]

+مين أكثر شخصية أثرت فيك أو تأثرت بيها فى حياتك سواء أفراد أو قديسين؟
+الشهيد يرى فيه الناس صورة المسيح والشهداء قدموا حياتهم من أجل فادينا الحبيب..هل الخدمة نوع من أنواع الشهادة؟
+حل مازلت تحلم به خاص بالمنتدى

[Ramez5]

مين أكثر شخصية أثرت فيك أو تأثرت بيها فى حياتك سواء أفراد أو قديسين

أكتر شخصية اتأثرت بيها من القديسين هو الأنبا موسى الأسود
ازاى قدر يتغلب على كل شرورة ويتوب !!
بجد كان حب ربنا كبير قوى فى قلبة
وبطلب من ربنا ان نسعى دايماً فى طرق التوبة
ويكون الأنبا موسى مثل لينا علشان نقدر نحقق هذة التوبة الصادقة

الشهيد يرى فيه الناس صورة المسيح والشهداء قدموا حياتهم من أجل فادينا الحبيب..هل الخدمة نوع من أنواع الشهادة

لو بهذا التوضيح يبقى الخدمة شهادة
لأن لازم من خلال الخادم نشوف صورة وأعمال السيد المسيح

حلم مازلت تحلم به خاص بالمنتدى

أحلامى للمنتدى لا تنتهى

[بنتك انا]

حوار جميل
كل سنة وانتم طيبين ربنا يبارك فى الخدمة

[nasser]

شفاعة القديس موسى الأسود تكون مع جميعنا
+ما هى المرنمة التى تحب أن تسمعها دائماً وكأنها صوت من السماء؟
+ايه هى الترنيمة اللى دايماً تحب أن تسمعها؟
+وجه كلمة للخدام الغائبين عن المنتدى واللى كانوا قبل كده لهم نشاط ملحوظ فى تاريخ المنتدى