القديسه اناسيمون السائحه ( ملكه الوحوش) 😍💖

[Mary Naeem]

القديسه اناسيمون السائحه ( ملكه الوحوش)

اتولدت القديسه من ابوين مسيحيين و كان والدها ملك الروم علمها من صغرها التعاليم المسيحيه و حببها فى بابا يسوع و كانت بتحب تقرأ سير القديسين و كانت بتتشبه بيهم و كان نفسها انها تعيش الحياه البتوليه مع بابا يسوع و عاشتها معاه و هى فى قصر باباها و فى يوم مرض باباها و مات و حكام المدينه اصّروا ان القديسه تبقى هى ملكه البلد و لكنها اعتذرت عن العرش علشان كان نفسها تعيش مع بابا يسوع بس و لكن الحكام عينوها ملك الروم و جلست على كرسى الولاه سنه واحده و كانت بتحكم بالعدل و لكنها تركت رساله للبطريرك موضحه فيها انها حبه العيشه مع بابا يسوع و هربت بليل من القصر
ذهبت القديسه للجبال و كانت فرحانه انها هتعيش مع بابا يسوع بس و فى يوم و هى ماشيه فى الجبال ظهرلها وحوش بس هى مخافتش و صليت و رشمت الصليب عليهم و الوحوش طاعوا القديسه و مأذوهاش هربت من الجبال علشان شافت ان الوحوش بتطعيها و هى ماشيه لقيت دير ( دير ارميا للراهبات) فتظاهرت بالجنون علشان هى مكنتش حبها ان الناس تكرمها و تخدمها فتظاهرت بالجنون قدام الراهبات فاخذوها الراهبات خوفا عليها من أن يحصل ليها حاجه .. و كانت عايشه معاهم و كانت بتتصرف تصرفات بتدل على انها هبيله
و فى يوم طُرق باب الدير و فتحت احد راهبات الدير و لقيت احد الرهبان طلب منها انها تقبل ان يقعدوا فى الدير هو و القمص دانيال كاهن بريه شيهيت رحبت بيهم و لما دخل القمص دانيال عينه راحت على القديسه اناسيمون و هو بيصلى بليل أيقظ الراهب اللى كان معاه و قاله اسهر معايا و انا تشوف عجايب ربنا سمع كلامه و هو خرج من القلايه و شاف القديسه و هى بتصلى و شاف مدى روحانيتها و أيقظ الراهبات و شافوا المنظر العجيب ده و فضلوا يبكوا لانهم كانوا بيندولها بالهبيله و ندموا و لما صحيوا تانى يوم راحوا مكان نوم القديسه لقيوها هربت و تركت رساله بتقول فيها " أنا الشقية، لشقاوتي ومعاندة العدو لي أخرجني من بينكن، وأبعدني عن وجوهكن المملؤة حياة إهانتكن لي كانت ربحًا لنفسي، وضجركن علىّ كان ثمرة تجمع كل يوم. استقلالكن عني كان فائدة ورأسمال يزداد كل يوم وساعة. مباركة هي تلك الساعة التي قيل لي فيها يا هبيلة، يا مجنونة. وأنتن مسامحات من جهتي بريئات من الخطية، وإني قدامكن وقدام المنبر سوف أجيب عنكن لأجلي، ليس فيكن مستهزئة، ولا من هي محبة للحنجرة، ولا للملبس، ولا للشهرة، بل كلكن نقيات". خرجوا بعض الراهبات علشان يبحثوا عنها و لكنهم ملقوهاش .. جسدها لحد الان ربنا مأردش باظهاره لنا
معرفه القديسه انها من السواح
_____________
فى يوم كان فى كاهن موجود فى يوم خميس العهد و هو قدام المذبح لقى كاهن عجوز فى المذبح سأله ازاى دخلت هنا ؟؟! لكنه مردش عليه و طلب منه شويه دقيق و اباركه فاحضرهم الكاهن له و لما خدوا اختفى و عرف الكاهن انه من السواح و اتكرر اللى حصل ده مره كمان و لكنه متركوش و طلب منه انه ياخده معاه يحضر القداس معاهم راح قاله السنه الجايه فى نفس الميعاد هاخدك معايا و بعدها بسنه اخد من الكاهن الدقيق و الاباركه و فكره بأنه هايخدوه معاه و فعلا اخدوه معاه و سأله عن القديسه اناسيمون قاله انها من القديسين السواح
بركه صلاتها تكون معانا