|
 |
 |
 |
|
|
|
رقم المشاركة : ( 1 )
16 - 01 - 2013, 10:21 AM
|
|||||||||||
|
|||||||||||
|
الغذاء المثالي والمتكامل لـقطك :الطعام الخامraw food diet
. . . . . . . . . . .  موضوعي اليوم عن اسلوب غذائي متكامل .. غني بالبروتين والفيتامينات يمكن غريب على الكثير منكم و صعب تقبله بس صدقوني بيعجبكم بالاخر الموضوع طويل ويتكلم عن كل جوانب هذا الاسلوب الغذائي .. جمعت فيه بين اكثر من طريقه لان المختصين بهذا النظام اختلفوا في بعض النقاط ,,  طيب نبدا بالموضوع .. القطط حيوانات آكله لحوم .. غذائها الأساسي اللحوم الحمراء والدجاج والسمك ووو.. في الطبيعه هذا كل غذائها واللحم يكون بصورته الطبيعيه !  بالاسر يعني القطط اللي نربيها بالبيوت احنا نتحكم بغذائها نأكلها اللحوم المطبوخه بعض انواع الخضار .. واحيان حبوب ورز وبقول .. وكله مطبوخ والاغلب يفقد جزء كبير من الفوائد والفيتامينات اذا ما كانت كلها  !!بما ان القطط آكله لحوم جهازها الهضمي له القدره على هضم اللحم بشكله الطبيعي "الخام" بدون طبخ .. يعني ني وطازج . الطعام بشكله الطبيعي "الخام" = raw dite هو اللي اتكلم عنه بموضوعي اليوم .. مع البحث المطول.. اكتشفت ان الدراي فوود هو اسوأ شي ممكن نقدمه لقططنا .. عشان كذا الاكل الرطب هو الافضل لهم والمشكله الكبيره ان كثير من المربين يعتمدون بتغذية قططهم على الدراي فود فقط !! وباعتقادهم انهافضل شي وفيه فيتامينات وووو .. بس هذا اكبر غلط. وبيقولون شوفوا قطي اكبر دليل ان صحته كويسه وهذا اللي يظهر لنا خارجيا .. بس داخل الجسم بيكون مدمر بفعل الدراي فود .. الكلى ,المثانه ...وبيضل القط صحته كويسه بوجهه نظر مربيه الى ان يطيح الفاس بالراس ويمرض القط ومثلا: يتوقف عن التبول ويكتشف المربي التهاب مثانه او حصوات او او .. ليه ننتظر ذا الشي يصير ؟  والكل عارف ان الدراي فوود فيه نسبه كبيره من النشويات والحبوب وقليل من اللحوم !! وهذا ممكن يؤدي للسمنه , مرض السكر , ارتفاع ضغط الدم .. والقط اللي يعتمد بشكل اساسي ع الدراي فوود لازم يشرب كميات كبيره من الماء وكلنا عارفين ان القطط ما تشرب ماء ولا تعطش كثير . القطط بطبيعتها قليله شرب الماء تاخذ اللي تحتاجه غالبا من غذائها طعامها الطبيعي "فريستها" بالطبيعه او لحم ني بالمنزل يحتوي على 70-75 % من الماء , بينما الطعام الجاف 7- 10% ماء ..والطعام المعلب يحتوي 78% ماء تقريبا لذلك الطعام المعلب افضل من الجاف من هذه الناحية كمان. البروتين الموجود في الدراي فوود مستخلص غالبا من النبات.. يكون اصله نباتي وهذا ما يكون مساوي ابدا للقيمه الغذائية من البروتين الحيواني .  طيب بالنسبة للحوم المطبوخة ؟! طبخ اللحم على درجات حراره عاليه فتره طويله الى ان ينضج .. يسبب بفقد كبير لقيمة البروتين الموجوده فيه .. ويدمر الكثير من المواد الغذائية  !! يعني القط ما يحصل على كفايته من البروتين والتغذية من طبخ اللحوم .. صحيح اللحوم المعلبة او المطبوخه افضل بكثير من الدراي فود .. بس يضل فيه نقص كبير بتغذية القطط . القلب الني يحتوي على ماده التوارين اللي تفقد جزء كبير من قيمتها بالطبخ :  التوارين .. من اهم الاحماض الامينيه اللي يحصل عليها القط من اللحوم وما توجد بالنباتات .. نقص التوارين في نظام القط الغذائي قد يسبب العمى و مشاكل بالقلب. * ارخص انواع الطعام المعلب .. افضل مليون مره من الدراي فود "الجاف"  .* اللحم المطبوخ أأمن على صحه القطه من الدراي فود. ليه احول قطي للراو دايت ؟ القطط اللي تعتمد تغذيتها على الراو دايت لها فرصه اكبر لحياة صحية تامة .. يتحسن نمط الحياة القط ينشط ويصير حيوي اكثر .. الشعر تتحسن حالته ويصير اجمل ويقل تساقطه , اسنان انظف ولثه صحيه وفكين اقوى .. +رائحة فم اقل  تقل كمية البراز الله يكرمكم والرائحة اقل بشكل ملحووظ !!  بالصوره اليمين قط ع الاكل العادي معلب ومطبوخ والله يكرمكم له رائحة نفاذه اللي باليسار قط ع الراو فود ..والحجم والكميه اقل .. والرائحه قليله *حسب المصدر* * القط ممكن ما يتبرز يوميا الله يكرمكم لان كميه البراز تقل. اكيد الحين كلكم خايفين من ذا النظام الغذائي .. مقتنعين فيه او لا ! كل الاشياء في الحياة لها مخاطر ,بس المربين عندهم اعتقاد ان الطعام المعلب سواء جاف او رطب خالي من المخاطر ,, وان ابدا ومستحيل تكون مضره بحياة قططنا ,, صح البعض بيقول نوع واحدمثلا مو كويس "مثل ويسكاس" والبقييه باعتقاده امان ..او احنا نعطي قططنا افضل انواع الدراي فود مثل "رويال كانن" بس كل هذا ما يخلو من الخطر زي ما قلنا .. قريت دراسات اكدت اكتشاف بكتيريا السلامنويلا في الدراي فود انتم متخيلين !! ممكن كمان يحتوي على فطريات وبكتيريا بكميات هائلة .  هل الراو دايت امن على حياة وصحة القطط  ؟*البكتيريا والديدان* السالمونيلا : معدة القطط مهيأه بشكل كبير لانها تقضى على اقوى انواع البكتيريا ومنها السلامنويلا .. باحتوائها على انزيمات قويه وجهازها الهضمي يسمح لها بتدمير البكتيريا . الديدان : اللحم مهما كان نظيف بيكون فيه احتماليه بسيطه يكون فيه ديدان وغالبا اذا كان يقدم امعاء او جزء من الجهاز الهضمي للقط مع الوجبه .. لان هي اللي تحتوي على الديدان اي جزء غير الجهاز الهضمي ما يحتوي عليها .. طيب كيف نتخلص من خطرها لو كانت فيه ؟؟ "هذي الاجزاء اللي ممكن تكون محتويه على ديدان ما نستخدمها نرميها مثل المعده والامعاء" بعد تحضير الوجبه وتوزيعها على مقدار الوجبه الواحده ..  نجمدها على درجات حراره منخفضه عند اقل من عشرين درجه سيليلوز او 4 فهرنهايت .. لمدة 3 ايام .طبعا نقتلها بالتجميد لاننا مارح نطبخ اللحم .. لو انت\ي معتمده اللحم المطبوخ تقتل الديدان على درجه حراره مرتفعه لين يستوي اللحم . *التكسوبلازموسس* التكسوبلازموسس مايصيب الشخص فقط من القطط او القرب من الليتر بوكس حقها ممكن يجي من تناولك للخضار اللي مو مطبوخه كويس او مو مغسوله كويس .. او اللحم اللي مو مستوي زين ..يعني نسبه اصابه الانسان من القطه اقل بكثير من النسبه اللي ممكن تنتقل له عن طريق الاكل !! افضل طريقه لتجنب التكسوبلازموسس اخذ الحيطه .. لان القطه مو مصابه فيها بس ممكن تصاب بيوم وهو احتمال ضئيل جدا .. الحمايه انك تلبس قفازات وماسك وقت تنظيف الليتر و ينظف يوميا . وتغسل يديك بعد التنظيف . واذا البيت فيه حامل او انثى متوقع حملها كل فتره " 6 شهور مثلا" تحلل للقطه عن التوكسو وهو اجراء بسيط لسلامتها وسلامتك . التكسوبلازموسس قضيه اخذت حجم اكبر من واقعها .. وهو امر بسيط .  * القطه ممكن تصاب فيه من مصادر ثانيه غير اللحم الني .  *المفتاح الاساسي لقط سعيد و صحه مثالية : توازن غذائي في الوجبة .. 75% يكون لحم راو , 25% خضار نيه او مطبوخ ع البخار . بعض القطط تفضل اللحم يكون اكثر من هذه النسبه فيكون اللحم 90 % , والخضار 10% الوجبه لازم يكون فيها بروتينات + خضار "الياف"+ املاح + فيتامينات  مصادر البروتينات : صفار البيض - لحم البقر - الغنم - دجاج - الديك الرومي - جاموس - غزال - نعام... الخضار اللي تناسب القطط وبالذات هذا النظام : "تكون مطبوخه ع البخار قبل الاضافه للوجبه" بروكلي - كوسه - اللفت - الخس - ملفوف - هيليون - يقطين - جزر - بطاطا - بنجر. الكالسيوم مهم جداً  !!كثير من القطط عندها نقص بالكالسيوم ولكن المربي ما يكون واعي .. وما يظهر الا اذا كبر القط بالعمر يبان عليه مثل التهاب مفاصل ,تتغير شكل الاقدام ..ووو كثيره العلامات ومن العلامات اللي ممكن نشوفها ع المدى القريب اذا نقص الكالسيوم تساقط بالشعر وسوء حالته . طيب الكالسيوم للقطط وين ممكن تحصله ؟ بالعظم اذا كان اللحم راو .. اضافه العظم مع الوجبه كان فيه جدل كبير بين الاختصاصين والدكاتره وله مصادر اخرى مثل البونميل "ماده تحتوي على الكالسيوم" , قشر البيض يجفف ويطحن بطريقه معينه .. واغلب هذه المواد صعب هضمها او الاستفاده منها بالمعده او الامعاء . بس الافضل هو اضافه البونميل بديل للعظم والكالسيوم. *ليه ما نضيف العظم ونطحنه مع الوجبة ؟ العظم او اللحم بشكل عام اللي بنلقاه محليا ما راح يكون له فائدة لان ما ندري متى انذبح سواء الدجاج او الخروف او الارانب او او .. ممكن طازج ممكن مذبوح من يوم يومين او اسبوع او شهر الله اعلم .. وبكذا العظم يقسى ويفقد قيمته الغذائية ويجف .. ولا يوفر الكالسيوم اللي يحتاجه القط .. واللي يتبقى فيه هو ماده تسبب التهاب البنكرياس و القولون العصبي و تأثر الامعاء ممكن ينتج براز يصاحبه دم , اسهال , امساك .. بالعكس اذا كانت الوجبه مذبوحه حالا او فريسه صادها القط زي بالبريه .. بيكون العظم مفيد وغني بالكالسيوم .. ورطب وطري ومصدر الكالسيوم هنا هو الدم اللي بالعظم . * تذكروا ان الكالسيوم ماهو خيار تضيفه او لا ,, اجباري اضافته بالغذاء.مثل "البونميل" وجهه نظر ثانيه : * اضافة العظم للوجبة : العظم = الكالسيوم اللحم= الفوسفور ولازم يكون فيه توازن بين الاثنين ونسبه معينه للعظم واللحم بالوجبه ! وبهذا الرأي يفرم العظم مع اللحم بالمفرمه الكهربائية ..يعني يكون ناعم زي اللحم المفروم تقطع الدجاجه كامله مثلا وتفرم كلها لحم وعظم سواء . ويضاف له زياده لحم ممكن صدور يعني شي يكون خالي من العظم .  مثال لكميه العظم : اذا انت بتفرم 20 فخذ دجاج 5 او 4 منهم يزال منها العظم . وتزيد عليه لحم بدون عظم زي ما قلنا ممكن . الممنوعات بهذا النظام"حسب كلام بات ماكاي" :  الحبوب - الخبز - الرز - المعكرونه- منتجات الالبان - الفواكه - الخميره "البعض يعارض لحم الارانب والبعض يؤيد " - فول الصويا - البرسيم - الاطعمه المعلبه والجافه - التريتس الجاهزه - الجلد الخام . الخضار مثل : البازلاء - الذرة - الفول - الباذنجان - البطاطا البيضاء - الطماطم الفلفل - السبانخ "الا اذا كانت مطبوخه ع البخار مسموح" * هي من معارضين التطعيم للقطط بكل انواعه وتقول القطط ما تحتاج تشرب مويه مع هذا النظام الغذائي لانه غني بالماء !<< انا اعرضها بهذي النقطتين  * تريتس " او مكافآت التدريب لقطك" بالامكان استخدام لحم مطبوخ ومقطع * من الاضافات المفيده واللي يفضل تكون بوجبه قطك الراو حتى تكون متكامله ومغذية : فيتامين بي كومبليكس . فيتامين اي E مصدر كالسيوم مثل "البونميل" .. او العظم مفروم مع اللحم اذا اعجبتك وجهه النظر الثانية. زيت كبد الحوت نسبه بسيييطه من ملح الطعام لانه يحتوي ع المغنيسيوم . ماء وممكن تستخدم كبسولات فيها كل الفيتامينات سوا . هذه الاضافات تضاف بعد تحضير الوجبه وقبل توزيعها وتجميدها  * قبل ما تبدا الغذاء الخام مع قطك: انا لما بديت مع قطتي ما بديت بكل المكونات وقطعت وفررمت وحطيت لها وتوقعت انها تاكل لا جبت بس صحن صدور دجاج وقطعته مكعبات صغيره .. ووزعته بكميات بسيطه اقل من وجبه بالفريزر كل يوم صرت اعطيها وحده منه+ ووحده مطبوخ سواء وجبه مثاليه او دجاج مسلوق لحاله ودراي فود فطورها كان بعدين لاحظت انها ما ترغب الاكل المطبوخ مع الايام يعني بعد اسبوع ونص او اسبوعين ..رحت اشتريت كميه دجاج وكبد وقلوب وسويت لها وجبات ووزعتها واعتمدتها وجبتين يوميا اول كانت الكميات قليله الحين صارت وجبه كامله يعني بين الربع والنص كوب تقريبا الوجبه "كوب مقياس الطبخ" اولا ما تقبلت القلوب ولا الكبد كانت تاكل الدجاج وتتركهم بعدين شوي شوي تقبلتها والحين تاكلها زي اللحم .. انا احط الكبد والقلوب بنسبه 10% او اقل مع الوجبه . 4- 6 اونصات من اللحم يوميا للقط الواحد. "تقسم على وجبتين او 3"  * اذا لم يتقبل قطك اللحم الني "الخام" انا ما عانيت من ذا الشي الحمدلله .. ممكن تضيفون معه دراي فود اذا كانوا يحبوه او يخلط مع الطعام الرطب عشان يجذبهم وكل مره قللوا الطعام الجاف او الرطب وزيدوا اللحم الخام وهكذا .. التكلفة دائما اقل من المعلب والطعام الجاف : طيب انا هنا بتكلم عن تجربتي .. كنت اسوي الوجبات لـ اسبوع يعني 14 وجبه يعني كل يوم وجبتين + دراي فود كبدايه اجيب صحنين صدور دجاج + افخاذ دجاج + كبد دجاج + قلوب دجاج = 50 ريال تقريبا بعدين قلت ازيد الكميه افضل لان متعب شغلها فاسويها مره وحده كل شهر التكلفه 120 - 150 ريال للسلامه : - اللحم ما يكون مفروم من السوبرماركت . ولا مجمد ابدا ابدا تجنبوا المجمد .. نجيب مبرد وطازج مذبوح بنفس اليوم .. ونقطعه ونوزعه على وجبات حتى يسهل تذويبه وقت الاستخدام. - اللحم اللي يتذوب ما يرجع يتجمد مره ثانيه معد ينفع عشان كذا اقولكم وزعوه كميات صغيره . - يفضل ما تعطى القطه اللحم اذا كان طازج مباشره ,نجمده 3 ايام اول ,, الا ااذا كان اللحم مذبوح قدامك وواثق من اللحم . - الاماكن اللي يتم تقطيع اللحم عليها او مكان وجبه القط لازم يكون دائما مقعم .. بمعقم قوي وممكن كلوريكس لانه يقتل البكتيريا .. القط ممكن وهو ياكل يطيح منه ع الارض ويرجع ياكله .. - اذا حطيت الوجبه واكل القط وبقى ما كمله بعد مرور 30 -45 دقيقه ما رجع كمله نشيله ونرميه خلاص ما ينفع يدخل ثلاجه او فريزر ولا ينترك برا اكثر خاصه اننا داخلين ع الصيف كمان. 
|
 |
|
العرض المتطور