|
 |
 |
 |
|
|
|
رقم المشاركة : ( 1 )
31 - 12 - 2022, 11:10 PM
|
|||||||||||
|
|||||||||||
 باتخيل لو 2023 انسان و عنده فرصه يتكلم .. هيقول ايه ؟! في مخيلتي هيقول: - ماتعشمش فيا زياده علشان انا سنة عادية زيي زي اي سنة عدت و أي سنة جاية. - ماتستناش مني تعويضات لاني مش انا اللي بحدد ايه التعويض و امتي يجيلك او مايجيش ، انا مش ربنا. - ماتحسسنيش بذنب لو اصدقاءك خانوك او باعوك او جرحوك لاني مش انا اللي باخدلهم القرارات ولا انا اللي باقولهم يعملوا ايه. - ماتلومنيش على الظروف انا حيالله ايام و شهور ماشية على نمط ثابت عمر ما يوم فيا سبق التاني ولا لغى التاني . . لكن ظروفك هي اللي مش ثابتة و عمرها ما هتبقى ثابته. - ماتعلقش عليا شماعة ان حياتك هي هي و احلامك ماتحققتش انا لا سانتا و لا جني ، هتجتهد هتلاقي هتسعى هتجني هتشتغل على نفسك هتكبر و تطور . . حلمك مانفعش معاك عادي غيره دور على فرص جديدة بدايات جديدة حياة جديدة، انحت في الصخر لكن ماتقولش عليا سنة نحس انا ماليش ذنب. *2023 * مش مستنية منك حاجة الحقيقية، لكن مستنية مني اني اهدأ اثق اسلم اكبر و اتعلم 🙏 مستنية مني شجاعة لتغير ما يمكن تغيره و قبول لما لا يمكن تغيره. مستنية مني افضل حقيقية زي ما انا و ما الجأش للزيف لأي سبب إن كان ولا علشان ارضي اي حد. #مستني_ايه_من_نفسك 
|
 |
|
العرض المتطور