في نُقطة بتقف عندها بعد إنتهاء علاقتك بشخص كان جزء منك ولما إفترقتوا خد من روحك شئ ومشي وسابلك كابوس بتحلم بيه وإنت صاحي "الذكريات" .. خصوصًا الحلوة إللي كلها ضحك إللي لأول مرَّة شعرت فيها بالأمان .. إللي كنت مرتاح بشكل يخلي قلبك مطمن .. الحضن إللي كنت جواة طفل .. الأيد إللي كانت بتطبطب عليك وإنت منهار في العياط .. الصوت إللي مكنتش بتعرف تنام غير قبل ما تسمعه .. كلمة وحشتني إللي كانت مبتتحسش غير من الشخص ده .. الهزار إللي كان بيتقالكم عليه إنتوا أتفه من بعض .. الكلام والرغي علي الناس وفي مواضيع غريبه بتفاصيل أغرب .. لما تكون متكركب من جواك وتتكلم معاه ويخلي عينيك تدمع من الضحك علي حاجة هايفه .. الشخص إللي كان بيحل أى مشكله بحلول مريحه مهما كان حجمها .. كل دى "ذكريات" سبهالك ومشي ووصلك إنك إتغيرت إتغيرت أوى للأسوأ للأحسن مش عارف بس إللي واثق منه إن في جزء من روحك ناقص جزء متعلق بالشخص ده .. لدرجة إنك بتحلم بيه اوقات ونفسك تستعيد الشئ إللي ناقص فيك منه في شكل إنك تشوفه ولو للمرَّة الآخيرة للحضن الأخير.
18 - 04 - 2017, 09:11 PM
العرض المتطور