لا تخف يا بولس ينبغى لك أن تقف أمام قيصر

[walaa farouk]

أتحرك بولس في رحلته في البحر🚤
وبعد شوية مش كتير يحصل عاصفة شديدة🌊،
فقدوا كل سيطرة على السفينة
و كانت العاصفة هي اللي بتحرك السفينة🫣.

🟢وهنا بنشوف بولس وهو محطوط في موقف صعب:-
- أول حاجة لأنه تحت قيادة شخص تاني
يعني مش هو المسئول عن القرار🥺
- تاني حاجة أنه حاول يحذرهم أنه السفر خطر
وهيكلفهم خسارة كبيرة لكن محدش أهتم برأيه🙄

ورغم كل ده وأن بولس مكنش ليه إيد في أي حاجة حصلت،
ورغم أن الوضع كان صعب جدًا وانتزع كل رجاء في نجاتهم
، وكانوا خلاص مستنيين الموت😔
يقف بولس ويقول بثقة ويقول:
"لِذلِكَ سُرُّوا أَيُّهَا الرِّجَالُ، لأَنِّي أُومِنُ بِاللهِ أَنَّهُ يَكُونُ
هكَذَا كَمَا قِيلَ لِي. (أعمال الرسل ٢٧: ٢٥)"

طيب وهو إيه اللي الله قاله ليه؟
يقول كدا: "قَائِلاً: لاَ تَخَفْ يَا بُولُسُ. يَنْبَغِي لَكَ أَنْ تَقِفَ أَمَامَ قَيْصَرَ.
وَهُوَذَا قَدْ وَهَبَكَ اللهُ جَمِيعَ الْمُسَافِرِينَ مَعَكَ. (أعمال الرسل ٢٧: ٢٤)"😇

مكانش فيه أي رجاء في الوضع، لكن بولس قدر يطمن الناس
، وكانت ثقته في الله وفي كلمته كبيرة جدا👌🏽

لو حاسس أن حواليك اضطراب وقلق، خايف وقلقان،
افتكر أن الله قال لا تخف.
روحله، اترمي واتكل عليه وصدق كلامه ووعوده ليك🙏🏻