حاجات كتير أوي بنتمناها ومش بنبقى عارفين هتفيدنا ولا لأ!
حاجات كتير أوي بنتمناها من غير ما نعرف هتفيدنا ولا لأ، في منها اللي بنفرح بيه لما بناخده عليه وبنفضل فرحانين بيه وفي اللي بنفرح بيه في الأول وبعد كده بنتصدم لما نلاقي اللي احنا صممنا عليه بيبقى سبب وجع أو جرح لينا!
بس مع الوقت بنبدء نفهم وندرك، وبدل ما رغباتنا هي اللي بتبقى بتحركنا، يبتدي الوضع يختلف وعقلنا هو اللي بياخد الخطوة دي، زي بالظبط الطفل بيتولد جواه رغبة شديدة انه يكتشف كل اللي حواليه، بيكون نفسه يحط ايده جوه الفيشة بتاعه الكهرباء أو النار ومع الوقت الرغبة دي بتموت لما بيفهم أن فيها خطر على حياته.
الرب يسوع اختار حبة الحنطة لأنهم كانوا عارفين انه دي اصغر نوع البذور اللي ممكن تكون موجوة يقدروا يزرعوا بيها، وعارفين برضه البذرة الصغيرة دي ممكن يطلع منها ايه لمايبقى ليها ثمر، بس الثمر بتاعها لايمكن يكون كتير إلا لما تموت في الأرض ..
رغبة وطموح
الرغبات في حد ذاتها مش غلط والطموح مش خطية، بس الغلط انهم يسيطروا عليك، وانها تتوجه غلط ده ليه نتايج صعبه، وانك تعرف الصح ده هيحصل لما تبتدي تفهم نفسك أكتر وتقهم طريقة ارشاد ربنا ليك ومع الوقت هتلاقي نفسك قدرت تستغنى عن حاجات كنت دايمًا تقول انك مش قادر تعيش من غيرها! وساعتها كل امكانيات حطها الله فينا هيبقى بسهوله الله يستخدمنا لنشر كلمته في حياتنا سواء في الخدمة أو العلاقات أو الشغل.. يمكن البذرة مش بإرادتها هتنزل في التربه، لكن انت بإرادتك اللي بتختار تمشي مع الله في طريقه بطريقته أو لأ!!
