|
 |
 |
 |
|
|
|
رقم المشاركة : ( 1 )
15 - 02 - 2022, 11:05 PM
|
|||||||||||
|
|||||||||||
 - هو أنا ليه بيحصل معايا كده؟ ليه مش مكتوبلي أبقى عادية زي أي حد عادي؟ ليه كل اللي بيحصلي مش عادي؟ أنا نفسي أبقى عادية، حقي! زي أي بنت حتى لو اختيارها مش أحسن حاجه بس الأيام بتعدي عادي ، إنما أنا بقى مكتوبلي أتوجع وبس ومش عايزة حد يواسيني بكلام حلو عشان مش هصدقه، لأن أنا موجوعة، والوجع اللي جوايا ده مخليني مش عارفه أتكلم أنا موجوعة أوى يا بابا ومش عارفة اعيط .. حتى دموعى مش عايزة تنزل .. عايزة اصرخ ومش عارفة .. معرفش انا ليه يا بابا بيحصل معايا كدة!!! - انتى عارفة يا هاجر أن الألماظ والفحم الاتنين من عنصر واحد .. من الكربون بس سبحان الله على الفرق بين المعدنين .. الفحم ضعيف وهش والألماظ بقى بيتقاس بيه صلابة أى معدن فى العالم .. قوى وصلب غير الفحم خالص .. عارفين ليه؟! عشان الكربون اللى اتعمل منه الألماظ اتحط فى ظروف صعبة أوى .. حولته .. حولته لمعدن صلب وقوى ربنا بيسمح بالألم يا بنتى .. بس الشاطر اللى بيعرف يحول الألم ده ويبقى ألماظ وانا حاسس بيكى يا هاجر .. حاسس بكم الوجع والألم اللى جواكى لدرجة أنك مش قادرة تبكى . . ادينى فرصة أبكى مكانك يابنتى .. بس اوعى تكونى حتة فحم .. الضربة اللى مبتموتش بتقوى يا بنتى .. هتبقى أقوى من الأول كمان .. أنا بناتى مش فحم يا هاجر .. أنا بناتى ألماظ ❤️ 
|
 |
|
العرض المتطور