معجزة حصلت معايا
المعجزة دى حصلت معايا انا وطبعا دى مش حاجة غريبة على اميرة الشهيدات القديسة مارينا........الموضوع باختصار اني تزوجت من حوالي 3 سنين وفى بداية جوازي ربنا لم يعطني اطفال وبعد حواللى 6 شهور كررت انى ازور القديسة مارينا فى حارة الروم (طبعا هاتقولوا دى مدة قصيرة لكن انا كنت متضايق من اسئلة الناس ونظراتهم اللى كانت بتحسسني اني بقالي 10 سنين مش 6 شهور)المهم انى زرت القدية مارينا وكان عيدها 31-7 وفعلا اخدت بركة الكف وصليت بدموع وسلت على ابونا انطونيوس راعى الكنيسة وعطانى زيت وقالى روحى للدكتور وفعلا سمعت كلامة وبعد عذاب مع الدكاترة والاشعات والتحاليل قالنا الدكنور(انا وجوزى)صدقونى مافيش حاجة ودة موضوع وقت وبعدها جوزى منعنى من الذهاب للدكتور وقال نسيب الموضوع في يد ربنا وعلشان اضيع وقتى في اي حاجة اشتغلت مدرسة بعقد مؤقت وكان معايا زميلة غير مسيحية وكانتحامل وكانت بتضايقنى بكلام جارح لان لم يحدث حمل لي وكنت كل يوم ابكي واقولها يرضيكي كدة يا قديسة مارينا وبعدها رحت انا وجوزى وماما وكان معانا خالي ومراتة وكانت مش بتخلف هى كمان رحنا دير القديسة مارينا في حارة الروم وصلينا القداس واتناولنا واخدنا بركة الكف المقدس ولكنى كنت زعلانة لانى ماعرفتش اكلم ابونا انطونيوس من الزحام لكن لان القديسة مارينا مش بتزعل اولادها كان ابونا داخل بالصدفة من الباب وقلتلة صليلي يا ابونا ورد علي وقالى (يا بت روحي ما انتى حامل)وصدقوني انا صدقت ابونا وفرحت قوى وكمان قال لمرات خالي وانتى كمان ربنا هايديكى وروحنا واحنا فرحانين وفعلا عملت تحليل حمل بعدها ب3 ايام وربنا فرحنى بشفاعة حبيبتي القديسة مارينا وجبت مارينا زى القمر وكمان القديس مارينا كانت معايا فى الولادة وقالتلى انا معاكي ماتخافيش لان ولادتى كانت قيصرية وفعلا ماسابتنيش ومراتة خالي كمان جابت توأم وانا قدام الجميع بشكر ربنا اولا والقديسة مارينا الشفيعة الامينة لكل اولادها..:...........
