دكتوره مسلمه كدت افقد حياتي اليوم عندما شك فيا امن مستشفي رابعه باني مسيحيه وسبني بافظع الالفاظ
كنت في مستشفى رابعة اللي في التجمع التالت دخلت اركن العربية وطبعا الأمن اللي واقف مارضيش يفتح لي الباب ولما قولت له اني دكتورة فلانة فتح وبمنتهى التضرر فدخلت اعمل التحاليل ومتاخرتش وكان معايا زميلتي في الشغل ونزلت سريعا وأنا خارجة لاقيت الراجل بتاع الأمن بيزعق لي ويقولي انزلي افتحي لنفسك البوابة قولت له ازاي يعني راح مدخل نص دماغه في العربية ويصلي وقالي انتي مسلمة ولا مسيحية لأني انا وزميلتي مش محجبين طبعا استفزني قولت له ودا ماله تفتح لي البوابة قالي أنت مسيحية مش كدا طيب لا كدا نفتح لك وسابني ومشى وشتمني بكل الافاظ القذرة يا مسيحية يا بنت الكلب مش عايزين تسببوا البلد ليه انا هفطر عليكي انهاردة وأنا زميلتي ولا كلمة وكنا في حالة ذهول مش عارفين نعمل ايه وقررت اسيبه لما يخلص وبعدين قفلت ازاز العربية وجاء واحد زميله فتح باب المستشفى وخرجنا واحنا كل حتة فينا بتترعش بمعنى الكلمة عرفت انهاردة ألم المسيحيين لما بيقبلوا حد داعشي انهاردة انا كنت في مرمى داعس والله أقسم بالله وحياة بنتي إنا كدت أقتل اليوم لأني كما يعتقد مسيحية ولعنت وسبيت في شرفي لمجرد اني لم اعلن هويتي الإسلامية لشخص لا أعرفه أصدقائي على صفحتي من يستطيع منكم مساعدتي سواء من رجال الأمن او غيره أتمنى المساعدة مستشفى رابعة في التجمع التالت معقل للدواعش وحق الله وحق كل كلمة تعلمتها وافدت بها بلدي كدت افقد حياتي اليوم لأني مسيحية
30 - 05 - 2017, 05:51 PM
رد: دكتوره مسلمه كدت افقد حياتي اليوم عندما شك فيا امن مستشفي رابعه باني مسيحيه
العرض المتطور