اشكر ربنا انت فى نعمة كبيرة

[Mary Naeem]

اشكر ربنا انت فى نعمة كبيرة

اشكر ربنا انت فى نعمة كبيرة
+ فى يوم كانت الدنيا حر جداً وكنت فى شقتى وحسيت بضيق جدا وزهق وضجر من شدة حرارة الجو فى ذلك اليوم واخذ التذمر والملل يتسلل الى قلبى بسبب الحر واخذت افكر ليه مكنتش فى شقة افضل من كدا ؟؟؟
+ وبعدين كان فى طلب مهم وضرورى لازم احضره من الشارع ولكن كيف انزل الى الشارع فى هذا التوقيت وكان ظهرا والحر شديد ولكن اضطررت للنزول ولما نزلت الى الشارع وجدت الشمس حرارتها حارقة وشديدة والهواء ساخن جدا , المهم جبت الطلب وروحت البيت بسرعة
+ ولما دخلت الشقة حسيت بإحساس غريب , وجدت ان شقتى افضل بكتير جداً جداً من الشارع الذى به حرارة شديدة جدا والشقة مهما كانت فهى افضل بكتير فى حرارتها من الشارع
+ وهنا حسيت انى فى نعمة كبيرة لم احس بها او اعرفها الا لما وجدت حالة اصعب من حالتى ولما نزلت الشارع ووجدته اشد حرارة من شقتى
+ وهكذا فى حياتنا ممكن واحد يتذمر لأنه فقير ولا يعرف انه بالرغم انه فقير ولكن افضل من غيرة فى الصحة او يوجد من افقر منه فى المال فلما يخرج ويجد ناس بتدور عن لقمة فى صفيحة الزبالة يعرف انه فى نعمة كبيرة
+ وفى ناس بتتذمر من المرض ولكن لما يروح المستشفى ويشوف المرضى بالأمراض المستعصية التى لا شفاء لها اكيد هيشكر ربنا انه وبالرغم انه مريض ولكن افضل من غيرة بكتير
+ كل واحد لازم يشكر ربنا على كل حال وفى كل حال لأنه مهما كانت حالته فهو افضل بكتير من غيره ولو عاوز تعرف النعمة التى اعطاها لك الله , اطلع بره نفسك والتفكير فى الذات وحالتك واخرج دور على المرضى والفقراء والمحتاجين والذين فى السجون واللى فى الشوارع وليس لهم مكان او سكن يعيشون فيه , اكيد هتشكر ربنا وهتحس انك فى نعمة كبير
+ ياريت تردد هذه الآية باستمرار
"شَاكِرِينَ كُلَّ حِينٍ عَلَى كُلِّ شَيْءٍ فِي اسْمِ رَبِّنَا يَسُوعَ الْمَسِيحِ، للهِ وَالآبِ"
(رسالة بولس الرسول إلى أهل أفسس 5: 20)
بنعمة المسيح

[sama smsma]

روووووووعة يامرمر

[walaa farouk]

قصة جميلة يا مرمر
ربنا يفرح قلبك

[Mary Naeem]

شكرا على المرور

[Ramez5]

شكراً لك يارب دايما

[Mary Naeem]

شكرا على المرور