على ميعاد مع حبيبه

مورا مرمر · رقم المشاركة : ( 1 ) 12 - 06 - 2020, 07:01 PM

كان فى واحد على ميعاد مع حبيبه كان بيستناه كل يوم ..
كان عارف ان فى ساعة هيقابله فيها بس كان مستنى ساعته ..
كان حاسب انه هيكون يوم فرحه كان طول الايام يستعد لحد ما يجى اليوم اللى نفسه يتحقق ..
يا ما بينهم من ذكريات بس منعتهم المسافات من ان يشوفه ..
حبيبه سافر علشان يجهز المكان اللى قرر يعيش فيه مع صديقه وخليله..
صاحبنا فضل مستنى حبيبه كتيير جدا كان التلاقى مع حبيبه كان هو كل مناه ..
اصله مكانش حبيبه وبس كان ابوه وصاحبه الجدع اللى ياما حامى عنه..
كان بيبعتله رسايل يطمنه بيها انه يكمل لحد المعاد كان عارف انه هيعيش هنا وقت مش طويل ..
واكيد هيجى يوم ويقابل حبيبه ..
كان جواه لهفه انه يشوفه ..
كان مستنى الللحظة اللى روحه فيها هترفرف مع حبيبه وتعيش فى سماء الخالدين ..

دى حكاية كل واحد منا ليه معاد مع حبيبه وربه ..

استعد للساعة دى ..

#خواطر
تشجيعكم هيحفزنى اكمل ..