امسكى العصاية من النص

[walaa farouk]

مالك في ايه؟ كل مانخرج تقلبها نكد و تكشر .. اكنك خارج معانا غصب عنك.. خلاص مش قادر تستغني عن قعدة القهوة و صحابك؟

- هو انتي مابتشوفيش نفسك غلطانة خالص؟ هو انتي مابتخديش بالك من تصرفاتك؟ فاكرة نفسك دايما علي حق؟

- انا؟

- ايوة انتي... انتي مش حاسة بنفسك و بتتهميني و خلاص.. انتي مش حاسة انك زوجة.. وانا مش حاسس اني متجوز.. انتي بقيتي لا تطاقي يا هانم..

- انا؟ ده انا وقتي كله ليكوا و مجهودي.. انا مابفكرش غير فيكو.. من يوم ماتجوزت عمرك ماكلت اكل بايت.. ولادك بياخدوا اعلي درجات.. اهلك كلهم بيشكروا في ولادنا و تربيتهم.. بيتنا مش ناقصه حاجة.. سبت صحابي و سبت شغلي وسبت الدنيا كلها عشانكوا.. اعمل ايه تاني.. انت اللي مابتقدرش.. دايما عايز تثبت اني مقصرة وخلاص وبتيجي عليا في كل حاجة.. انا اللي مابقتش عاجباك.. ولا مالية عينك

- ايوااااة هو ده.. الاكل .. البيت .. العيال و اهلي واهلك و الواجب و كل حاجة غير انك تبقي مراتي.. ويلا عشان تلحقي تذاكري للعيال و تاكلي العيال و تنيمي العيال

- انا مش فاهمة هما مش ولادي زي ماهما ولادك؟

#تحديث

اللي بيسألوا عن الحل: انك تبقي انثي و زوجة و حبيبة متعة.. وانك تبقي ام متعة تانية.. وانك تبقي امرأة عاملة ناجحة متعة.. وانك تبقي كل دول قمة المتعة.. ماتخسريش حاجة عشان حاجة تانية.. امسكي العصاية من النص.. صعبة انا عارفة.. بس مستاهلة 😉

[Mary Naeem]

رووووووووووعة حببتي
ربنا يفرح قلبك

[walaa farouk]

ميرسى على مرورك الغالى مرمر