|
 |
 |
 |
|
|
|
رقم المشاركة : ( 1 )
01 - 08 - 2017, 08:36 AM
|
|||||||||||
|
|||||||||||
 مافيش فينا حد اتولد بيحب الخطيه. مافيش حد اتولد مرمى فى الشارع. مافيش فينا حد اتولد عمال يدور على حضن يحتويه من هنا شويه ولا من هنا شويه... مافيش فينا حد اتولد كده.. لكن للاسف التربيه هى اللى اوقات كتير جدا بتوصلنا لكده الابن والبنت اللى كان مستنىين حضن الاب ولا الام ومالقهوش عاوز ايه من طفل اتربى على الاهانه والذل وعدم الحنيه. عاوزه يطلع ايه عاوز ايه من طفل اتربى ان كل الناس احسن منه وهو اقل من كل حد عاوز ايه من طفل مجربش يعنى ايه اب ياخده فى حضنه ولا ام تطبطب عليه عاوز ايه من طفل مفروض يقبل الاهانه علشان بس مايبقاش فى مشكله فى البيت هاتقولى مكنتش حارمه من حاجه.. اكل شرب فلوس مدرسه كليه. طب حلو خالص طب والحب والمشاعر واحساس انه غير مرغوب فيه لما الابن يشوف دايما الاهل بره البيت بيضحكوا ويهزروا ويبقوا جوه البيت نكد وبس لما الابن يشوف اهالى صحابه بيشاركوه فى احلامه ومواهبه وحتى رغباته حتى لو تافهه وهو مش لاقى كده من اهله لما الابن يسمع من بره يا بختك بابوك ده طيب اوى ودمه خفيف اوى وهو يبقى عارف ابوه ده الابتسامه مابتخرجش من وشه حتى لما الابن يشوف ابوه كل يوم بيهين فى امه لما الابن يحس انه مابقاش ليه اى حد فى الدنيا لا اب ولا اهل ولا اخوات وساعات يرمى نفسه بقى فى الكنيسه وهو نفسه ضعيفه بالشكل ده اوقات يلاقى خادم مدارس الاحد يروح مهزئه وسط الفصل . او يعمل نفسه بيهزر يروح ضاربه او انا كاب كاهن بقول انا .اروح مزعق فيه وسط الناس علشان واقف وحش فى الكنيسه عاوز انسان زى ده محبط من كل ناحيه يطلع ايه .. قولى يطلع ايه.. عاوزه اذاى يبقى قديس .. عاوزه اذاى يبقى طاهر.. عاوزه اذاى مايبقاش محتاج لحضن يحتويه حتى لو حضن كله خطيه ولما يكبر يلاقى صحابه مابقوش صحاب.. واللى حوليه كلهم قلوبهم قاسيه وكدابه وكل اللى معاه همهم مصلحتهم.. قولى شخص زى ده حابه يطلع ايه؟؟ احنا بنوعظ كتير اوى الناس المجروحه بس للاسف عمرنا موعظنا الناس اللى جرحوهم بالشكل ده بس عاوز اقول كلمتين لكل ابن او بنت بيمروا بكل الحالات دى يسوع عارف ان الخطيه اللى فيك دى مش خطيه . عارف ان سببها جرح كبير من وانت صغير يسوع عارف انك كاره نفسك بسبب انك بترمى نفسك فى حضن كل حد شويه وبتندم يسوع عارف انك مالكش زنب حتى فى بعدك عنه بس ربنا بيقولك دلوقتى انا ابوك . انا ابوك. تعالى جرب حبى . تعالى جرب حضنى.. تعالى جرب اننا نعيش انا وانت على الحلوه والمره... اوعى تسيب كنيستك لاى سبب . كنيستك مش معناه كنيستك الللى اتربيت بيها لا كنيستك يعنى بيت ابوك . خليك فى بيت ابوك عيش فيه ماتسبهوش وانا الوحيد اللى هاستحملك وهاشيلك فى ضعفك ده . محدش هايشفعلك في غلطك غيري ومش بقولك اول مهاتجيلى هاتبقى فجاءه انسان جديد وعمرك مهاتغلط لكن اللى هاوعدك بيه انى فى ضعفك هاقويك. وهاحميك وابقى اب ليك.. هاتمشى معايا مشوار كبير. هاستحمل ضعفك فى البريه وانت تستحمل كل تجارب البريه كل اللى انت فيه ده مش هاوعدك انك تنساه لكن هاوعدك انه بجرحك ده هاشتغل بيك وانت مجروح هاوعدك ان بكل اللى انت عشته وعانيته بسبب ناس ماقدروش وزنتهم انك تقدر تسند وتعين كل ضعيف (كلمه اخيره لينا كلنا قبل ماتستعجب من ضعف غيرك فتش جواه ايه اللى وصله لكده.. ساعتها هايشوف المسيح المجروح فيك.. خليك المسيح المجروح اللى يحضن المجروحين خليك زى المسيح قايم بجروحك علشان تقوم الناس ويقبلوا جروحهم) 
|
|
01 - 08 - 2017, 09:27 AM
|
رقم المشاركة : ( 2 ) | ||||
|
† Admin Woman †
|
رد: مافيش فينا حد اتولد بيحب الخطيه.
خليك المسيح المجروح اللى يحضن المجروحين
خليك زى المسيح قايم بجروحك علشان تقوم الناس ويقبلوا جروحهم رووووووووووعة حببتي ربنا يفرح قلبك |
||||
|
|
|
01 - 08 - 2017, 05:19 PM
|
رقم المشاركة : ( 3 ) | ||||
|
..::| الاشراف العام |::..
|
رد: مافيش فينا حد اتولد بيحب الخطيه.
ميرسى لمرورك الغالى
 |
||||
|
|
|
05 - 08 - 2017, 07:54 PM
|
رقم المشاركة : ( 4 ) | ||||
|
..::| الإدارة العامة |::..
|
رد: مافيش فينا حد اتولد بيحب الخطيه.
خليك زى المسيح قايم بجروحك علشان تقوم الناس ويقبلوا جروحهم) مشاركة جميلة جدا ربنا يفرح قلبك |
||||
|
|
|
11 - 08 - 2017, 07:16 AM
|
رقم المشاركة : ( 5 ) | ||||
|
..::| الاشراف العام |::..
|
رد: مافيش فينا حد اتولد بيحب الخطيه.
ميرسى لمرورك الغالى
|
||||
|
|
 |
|
| قد تكون مهتم بالمواضيع التالية ايضاً |
| الموضوع |
| يسوع اتولد عشان يمُلك على كل حد فينا |
| لانه اتولد جوانا جوه كل حد فينا |
| فتعالي يا روح الله لقلبي اللي مش بيحب الخطيه |
| الخطيه.. مافيش احلي من صوتها |
| فى مدينة الأقصر..اتولد ولد حلو..كان بيحب بابا يسوع... |
العرض المتطور