لو نفسكوا تكملوا مع بعض

walaa farouk · رقم المشاركة : ( 1 ) 19 - 12 - 2016, 08:12 PM

لكل اتنين بيحبوا بعض .. ونفسهم يكملوا
..
- لو كلمتيه ولقتيه مشغول .. ده مش معناه انه بيخونك .. اتعلمي تلتمسيله الأعذار
..
- لو كلمتها ولقيتها بترغي ف أي حاجه وخلاص .. اسمعها .. معندهاش غيرك تحكيله
..
- مفيش راجل مبيغرش علي حبيبته .. لو حسيتي ان الحاجه اللي هتعمليها هتخليه يغير ويتضايق .. يبقي بلاش منها ..
..
- مفيش بنت مبتحبش تسمع كلام حلو .. اد ما تقدر قولها كام كلمه يفرحوها .. بس لازم يكونوا طالعين من قلبك .. البنت ذكيه وبتميز
..
- اسأليه عن شغله .. وعن يومه .. وعن احلامه .. هاتيله هديه من غير مناسبه .. دلعيه .. حبيبك طفلك
..
- كلمها واهتم بيها .. احميها من الدنيا .. حتي ف وقت زعلك منها ازعل بحنيه .. هاتلها شكولاته عمال علي بطال .. حبيبتك بنتك
..
- متاخديش منه باسورد الفيس .. متراقبيش كومنتاته ولايكاته .. الراجل بيتخنق م الحاجات دي.. لو مش واثقه فيه متحبيهوش م الأول
..
- متحبسهاش ف البيت و تمنعها من صحابها .. متشكش فيها .. متخليهاش تمسح الولاد صحابها لمجرد انكوا ارتبطتوا .. البنت بتعشق الحريه
..
- اتعودي تبقي امه لو تعب .. واخته لو ضاقت بيه الدنيا .. وصاحبته لو احتاجك .. وحبيبته لو حضنك ..
..
- خليك باباها ف حنيتك .. و اخوها ف خوفك .. و صاحبها ف عقلك .. وحبيبها ف مشاعرك
..
لو مبتعملوش الحاجات دي .. يبقي اللي ما بينكم مش حب .. الحب مش مجرد كلمه .. ولا عيد بييجي مرتين ف السنه
الحب اهتمام و أمان .. و سعاده !
♥

Rena Jesus · 19 - 12 - 2016, 09:35 PM

موضوع رائع
ميرسى ربنا يبارك تعب محبتك

walaa farouk · 19 - 12 - 2016, 10:03 PM

ميرسي على مرورك الغالى رينا

Mary Naeem · 20 - 12 - 2016, 10:47 AM

مشاركة جميلة جدا

ربنا يبارك حياتك

walaa farouk · 20 - 12 - 2016, 07:54 PM

ميرسي على مرورك الغالى مارى