|
 |
 |
 |
|
|
|
رقم المشاركة : ( 1 )
03 - 08 - 2022, 10:03 PM
|
|||||||||||
|
|||||||||||
 خلينا نكون متفقين إن الأمور الروحية بتفرق في رحلتنا في التعافي، علشان كدا واحنا في سكة التعافي محتاجين نركز على كلمة ربنا، لما تقرأ في الكتاب المقدس بتلاقي آيات كتير بتشجع على قراءة كلمة الله، اتأمل معايا في الكلام اللي قاله داود عن كلمة الله خَبَأْتُ كَلاَمَكَ فِي قَلْبِي لِكَيْلاَ أُخْطِئَ إِلَيْكَ.(مز١١٩: ١١) اقرأ كمان المزمور كله وشوف داود كان شايف كلمة الله ازاي، هنا داود حاطط كلمة الله في قلبه علشان ميغلطش وهتلاقيه شايفها الأساس اللي لازم يمشي بيه وشايفها هي اللي تهديه لو ضل الطريق وده عمل كلمة الله في حياتك "كُلُّ ٱلْكِتَابِ هُوَ مُوحًى بِهِ مِنَ ٱللهِ ، وَنَافِعٌ لِلتَّعْلِيمِ وَٱلتَّوْبِيخِ، لِلتَّقْوِيمِ وَٱلتَّأْدِيبِ ٱلَّذِي فِي ٱلْبِرِّ تِيمُوثَاوُسَ ٱلثَّانِيةُ ٣: ١٦ كلمة ربنا هي اللي هتعلمك تمشي ازاي، كلمة ربنا لو غلطت بتشاور على الغلط اللي في حياتك، كلمة ربنا تعدلك لما تمشي غلط، "لِذلِكَ اطْرَحُوا كُلَّ نَجَاسَةٍ وَكَثْرَةَ شَرّ، فَاقْبَلُوا بِوَدَاعَةٍ الْكَلِمَةَ الْمَغْرُوسَةَ الْقَادِرَةَ أَنْ تُخَلِّصَ نُفُوسَكُمْ."( يع ١: ٢١) بعد ما سبت كل نجاسة، بتواضع وخضوع اقبل كلمة الله، الموضوع مش قراءة كلام وخلاص، محتاج تخضع لكل حاجة الكلمة هتشاورلك عليها، محتاج تركز وتفهم الله عايز يقولك ايه في كلامه. الله اكتر حد فاهمك ومقدر ضعفك، اسمع لكلمته واخضع لها وهو هيديك المعونة للغلبة 
|
 |
|
العرض المتطور