اسكتش مكتوب لعيد الختان
الشخصيات المقدمة
( مرمر - مينا - يوسف النجار - مريم العذراء - الطفل يسوع )
اهداف الاسكتش :
1- معرفة الاطفال بقصة الختان فى العهد القديم .
2- معرفة المخدومين بميعاد ختان الطفل فى العهد القديم .
3- اهمية الطاعة فى حياتنا ومساعدة الاخرين .
4- احترام بيت ربنا فى كل مكان .
يدخل مينا احد الاولاد ويتحدث مع الاطفال .
مينا : ازيكم يا اصحابى انا اسمى مينا زيكم فى مدارس الاحد والنهارده عندنا قصة حلوه كتير خالص قصة عيد الختان وكمان هنروح مع بعض نشوف اللى حصل ايه فى عيد الختان
تدخل مرمر علي مينا وتتحدث معه .
مرمر : فينك كدا يا مينا انا بدور عليك اتاخرنا خالص النهارده عايزين نروح نشوف اللى حصل ايه فى عيد الختان وكل اصحابنا مستنين يروحوا معانا يحضروا الدرس
مينا : ايوه يا مرمر انا موجود من بدرى هنا انتى اللى رحتى فين انا مستنى تيجى عشان نروح نشوف قصة عيد الختان عشان انا معرفش حصل ايه لبابا يسوع فى الوقت ده .
مرمر : خلاص يا مينا يلا بينا نشوف مع بعض .
يخرج مينا ومرمر
يدخل رجل عجوز ويتكأ على عكاز ومعه مريم ومينا
يوسف النجار : يااه النهارده كان يوم تعب خالص فى شغل النجارة ازيكم يا اولاد انتوا عارفين انا مين هقولكم انا مين دلوقت .
يدخل مينا ومرمر عليه
مرمر : شايف يا مينا مين الراجل العجوز اللى هناك تعال نشوفه يمكن عايز مساعده .
مينا : ايوه صح احنا لازم نساعد اى حد كبير فى السن ونشوفه عايز ايه يمكن محتاج مساعده واحنا نساعده كمان .
مرمر :يلا بينا نشوفه
يقترب مينا ومرمر على الراجل العجوز
مرمر : سلام يا جدو انا اسمى مرمر وده اخويا مينا احنا جايين نشوفك يمكن محتاج مساعده ونساعدك لو محتاج حاجه .
يوسف النجار : شكرا يا اولادى انا كنت بشتغل فى النجارة الخشب بعمل كراسى وحاجات كتير وكنت رايح مشوار دلوقت انتوا عارفين انا مين ؟
مينا : لا يا جدو ممكن تقولنا انت مين عشان مش عارفين .
يوسف النجار : انا اسمى يوسف النجار عرفتوا مين انا ؟
مينا : ايوه طبعا انت خطيب العذراء مريم صح
يوسف النجار : ايوه صح
مرمر : ياااه احنا مبسوطين خالص عشان هنشوف الطفل يسوع يا ترى عامل ايه هو دلوقت ممكن تقولنا ؟
يوسف النجار : ايوه يا اولادى دلوقت الطفل يسوع ليه ثمانية ايام مولود واحنا رايحين حسب الناموس عشان نختنوه وكلمة ختان يا اولاد يعنى طهارة اللى بنعملها للاولاد دلوقت وطبعا ده كانت وصية ربنا فى العهد القديم اى ولد يتولد ويكمل ثمانية ايام لازم يتختن واحنا دلوقت رايحين عشان نختنوه انا وامه مريم تعالوا معانا عشان تشوفوا اللى هيحصل
مرمر : اكيد هنروح احنا هنستنى هنا لحد ما تجهزوا
يوسف النجار : لا ازاى تعالوا ادخلوا البيت عشان نخرج مع بعض يلا بينا .
يخرج الجميع ثم يدخل يوسف النجار
يوسف النجار: يا مريم يا مريم يلا اجهزى عشان نروح نختن الطفل يسوع دلوقت
تدخل مريم العذراء
مريم العذراء : ايوه يا يوسف انا جاهزه اهو وكمان ابننا الصغنن جاهز عشان نروح ونختنه زى ما قالنا موسى فى الناموس .
يوسف النجار : تعالوا يا اولاد اتفضلوا عشان تروحوا معانا
يدخل مينا ومرمر
مينا : شايفه يا مرمر الطفل يسوع اهو هناك وكمان هنروح معاهم .
مريم العذراء : تعالوا يا اطفال احنا مبسوطين انكم جايين بيتنا وكنتوا عايزين كمان تساعدوا يوسف النجار وشكرا على مساعدتكم عشان كدا هتروحوا معانا ونروح نختن الطفل يسوع دلوقت جاهزين .
مرمر : ايوه يلا بينا
يخرج الجميع
يسمع صوت من الداخل بكاء الطفل
يوسف النجار: شوفتوا يا اولاد اهو احنا دلوقت ختنا الطفل الصغنن واحنا فرحانين خالص بكدا عشان النهارده اليوم الثامن مولود .
مرمر : اكيد احنا عرفنا ان الله قال فى العهد القديم واحنا لازم نسمع كلام ربنا .
يوسف النجار : اكيد يا اولاد لازم تعرفوا وتسمعوا كلام ربنا ونسمع كلامه فى كل كلمة فى الكتاب المقدس وتبقوا شاطرين كدا وتتعلموا حلو كمان .
مينا : ايوه طبعا يا جدو احنا بنسمع كلام ماما وبابا فى البيت
يوسف النجار: وكمان يا اولاد لازم تسمعوا كلام الكبير ومينفعش نزعق ونعلى صوتنا فى بيت ربنا ونحترمه ونسمع كلام الاستاذ فى الفصل ونبقى كويسين خالص .
ولازم تبقى عندكم طاعة عشان نطيع ونسمع كلام ربنا زى ما قالنا فى كل حاجه ونعمل اعمال كويسه كتير ومش نشتم ولا نحلف ولا نكذب .
مرمر : اكيد لازم نحترم بيت ربنا هو الكنيسة عندنا ومينفعش انا واخواتى واصحابى نعمل هيصه فى الكنيسة لازم نقعد بأحترام ونحافظ على الهدوء كمان .
مينا : برافو يا مرمر انا كمان بعمل كدا ولازم كل اصحابنا اللى شايفينا يعملوا كدا ويسمعوا الكلام وتبقى عندهم طاعة ويسمعوا كلام بابا وماما زينا .
يوسف : برافو عليكم يا اولاد يلا همشى دلوقت وانا بشكركم كتير خالص عشان انتوا حبيتوا تساعدونى وانا مبسوط خالص عشان انا نشوف حد تعبان ومش قادر يمشى وراجل عجوز نحاول نساعده وفى الكنيسة لو لقيتوا حد تعبان لازم نساعده لو محتاج مساعدة .
مرمر : ايوه طبعا يلا هنمشى دلوقت شكرا يا اصحابى يلا سلام
يخرج الجميع ويقفل الستار
