زوّادة اليوم: الناس : 14 / 10 / 2023 /

[souad jaalouk]

زوّادة اليوم: الناس

الله معك...

بيخبّروا إنّو بيوم من الإيّام تقدّم شاب من سقراط وقلّو يا معلّم تعبت من النّاس ومش عارف كيف كمّل الحياة وإتعايش معهن، كلّ يلّي التقيتهن بيشبهوا موج البحر، إذا سايرتن ومشيت معن بيغرّقوني، وإذا عارضتهن ومشيت بعكسن بيتعّبوني.

جاوبو سقراط وقلّو على دروب الحياة لازم تكون صاحب موقف واضح، وقرار جريء، ما تتقلّب وتتلّون مع تغيير الأمكنة والأزمنة والأوقات، هيك بتكسب ثقة النّاس بتمشي إنت ويّاهن على دروب الحياة لا بتعاكسن ولا بيعاكسوك، لا بتعّبن ولا بيتعّبوك، إنّما بتكون سند لإلن وهنّي بوقت الصّعوبات والمحن بيساندوك.

الزّوّادة بتذكّرني وبتذكّرك :

بكلام كتاب الرؤيا، لازم تكون حارّ أو بارد ممنوع تكون فاتر، لازم كلامك يكون نعم نعم أو لا لا، وكلّ يلّي بيزيد هوّي من الشّرير، والله معك.

[walaa farouk]

ربنا يبارك خدمتك الجميلة

[souad jaalouk]

ألف شكر على المرور الغالي أختي الغالية

[Mary Naeem]

شكرا على الزوادة
ربنا يفرح قلبك