زوّادة اليوم: تعاليم آباء الصّحراء : 3 / 8 / 2023 /

[souad jaalouk]

تعاليم آباء الصّحراء

الله معكن...

بيخبّروا عن أحد آباء الصّحراء كان عم بيوصّي تلاميذو قلّهن :

رح بعطيكن سبع نصايح إعتبروهن قواعد أساسيّة لحياتكن، قبل ما تحكوا لازم تسمعوا كتير منيح، قبل ما تكتبوا لازم تفكّروا، قبل ما تصرفوا مصرياتكن لازم تعملوا حساب شو هنّي مداخيلكن وشو هنّي مصاريفكن، قبل ما تتوجهوا للصلاة لازم تنقّوا ضمايركن وتطلبوا المغفرة من يلّي خطيتوا بحقّهن، قبل ما توصلوا لليأس خلّوا رجاكن كبير وثقتكن بالله قوية، قبل ما تكرهوا لازم تحبوا، آخر وصية قبل ما تموتوا لازم تعيشوا بفرح.

الزّوّادة بتقلّي وبتقلّك :

نيّال الإنسان يلّي بيعمل حساباتو وبيدرس كلّ خطواتو بيكون عم بيعيش الحاضر بأمان وعم يبني مستقبل ناجح، والله معكن.

[walaa farouk]

ربنا يبارك خدمتك الجميلة

[Mary Naeem]

شكرا على الزوادة
ربنا يفرح قلبك