|
 |
 |
 |
|
|
|
رقم المشاركة : ( 1 )
20 - 05 - 2023, 12:40 PM
|
|||||||||||
|
|||||||||||
 طفل أسمه آدم فى رابعه إبتدائى بمدرسه خاصه ، أهله على قدهم وحرموا نفسهم من حاجات كتير عشان يقدروا يعلموا إبنهم الوحيد فى مدرسه خاصه .. آدم فى يوم رجع من مدرسته وراح البيت ماسك كيس السندوتشات ورماه فى الأرض ، وقالها .. ماتعمليش ساندوتشات فول تانى العيال بيتريقوا عليا وبيقولولى الفول للبهايم .. زعلت جداً مامته وقالتله نعمة ربنا ماتترميش على الأرض كدا .. قالها إشمعنا صحابى بيكون معاهم سندوتشات بوفتيك وبانيه وفاكهه وعصير وانا كل يوم معايا فول لدرجة سمونى آدم قِدره ، انا مش هاروح المدرسه تانى إلا لو عملتيلى ساندوتشات زى صحابى .. سكتت مامته وفكرت شويه وبعد حوالى ساعه ونص مسكت التليفون وكلمت واحد قريبها .. وجات لآدم قالتله خلاص يا آدم انا هانقلك من المدرسه دى وهاوديك مدرسه تانيه .. تانى يوم جات تحطله السندوتشات فى الشنطه لكن آدم رفض لما لقاها فول وقالها انا مش ناقص العيال اللى هناك يتريقوا عليا كمان .. مامته قالتله براحتك .. خدته من إيديه وراحت به على المدرسه، كانت مدرسه حكومى لكن آدم كان صغير مش فاهم كان كل همه انه يهرب من تريقة صحابه عليه .. مامته سابته ورجعتله فى نص اليوم عند الفسحه ، لاقته زعلان - فا بتسأله ماللك ؟؟ - جعان😔... - مافيش غير الفول .. - أى حاجه دانا هاموت من الجوع 😋 - مش مكسوف من صحابك الجداد ..😉 - ياماما دا العيال هنا جايبين معاهم ساندوتشات طعميه ، واللى بياكل عيش حاف بكيس شبسى ، واللى جايب معاه ساندوتشات بليله.. سكتت مامته وإبتسمت وقالتله .. عرفت قيمة الفول دلوقتى ؟؟ عارف أنت كنت كارهه ليه ؟؟ عشان عينك دايماً كانت على البانيه والبوفتيك، النعمه اللى انت رميتها على الأرض إمبارح إتمنيتها دلوقتى وانت قاعد جعان .. لما تزهق من الفول إفتكر ان فى غيرك مش لاقيه .. على فكره انا مانقلتكش من المدرسه انا جبتك انهرده بس عشان أوريك إنك فى نعمه .. عزيزى القارىء الرضا والشكر أهم من كنوز الدنيا كلها ، لو معاك مال العالم كله وماعندكش فضيلة الرضا بالحال عمرك ماهترتاح ، هاتعيش طول حياتك متبطر على عيشتك .. فى مثل قالوه جدودنا زمان البطران حاله قطران . عنوان القصه أم تنقذ إبنها من موت محقق لأنها بالدرس العظيم ده أنقذته فعلاً من موت الطمع وعدم الرضا . 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| معلومة خليها فى بالك كنز من كنوز الدنيا |
| أملأ نفسك بمشاعر الرضا والشكر |
| اعطنى يارب ان اعيش حياة الرضا والشكر |
| واحد جه بقطر الرضا والشكر ، والتاني جه بقطر العطاء |
| كنوز الدنيا ما تغلا عليكي.... |
العرض المتطور