|
 |
 |
 |
|
|
|
رقم المشاركة : ( 1 )
15 - 05 - 2023, 08:28 AM
|
|||||||||||
|
|||||||||||
 زمان وأنا صغيرة في إعدادي تقريبًا واحدة صاحبتي كانت وعدتني أننا هنفضل أصحاب.. بعد وقت سابتني ومشيت وصاحبت بنت غيري…😔 الموقف ده اتكرر مرات ومرات... الناس يقربوا مني فجأة ويمشوا فجأة ويسيبوني من غير أي تفسير.. وطول الوقت كنت بطلّع الغلط فيّا.. ما هو أكيد مش في الناس..😒 وأعيش لفترات طويلة جدا من تأنيب الضمير.. لحد آخر بنت كانت صاحبتي كنت حرفيا بشتري أنها تقعد معايا ومتسبنيش.. بقدم طول الوقت بدون حساب.. مشاعر وفلوس وهدايا ولبس وحاجات كتير أوي.. فاكرة مرة كانت مديونة بمبلغ روحت واستلفت ليها عشان تسدد الدين ده..😢 ولما بعد ما خلصت مصلحتها مشيت..!! فضلت أسأل نفسي أنت ليه كنتي بتقدمي كل ده وكانت الإجابة عشان مش عايزة أتساب تاني وبهرب من الوحدة.. مش كل شويه حد يمشي ويسيبني كده أنا بتعب أوى 😞 ولما اعترفت بكده ارتاحت أوي لأني فهمت أني زرعت غلط وكانت النتيجة حصاد في أرض بور 🙄 ساعات بسبب خوفي من الوحدة بقبل أفتح الباب لناس يدخلوا في حياتي وهما مش مكانهم هنا… ولما ربنا بدأ يعالج مشاعري اتوجعت وذكريات سنين كتير أوي جت قدامي.. 🥺 يدوبك ابتديت أفهم وأرفع راسي.. لسه بتعلم…!! بس اللي متأكدة منه أنه صديق ليا الألصق من الأخ.. ❤️ ومش بس كده .. لما بدأت أزرع في علاقاتي بشكل سليم الحصاد ابتدى يبقى مختلف…😇 
|
 |
| أدوات الموضوع | |
| انواع عرض الموضوع | |
|
العرض المتطور