حاجات محدش بيلاحظها فى حياه مارجرجس 👌

[walaa farouk]

الحقيقة ان الراجل ده يستحق بجدارة لقب امير الشهداء 👑

احنا دايما لما بنفكر فيه او بنتشفع بيه او نحكى قصتة بنحكى قصتة بعد الانتصار بعد اما خد كاس التعذيب كامل 🥺

لكن الحقيقة الات التعذيب انا بحسها اهون حاجه 🤔

حسب المتعارف عليه ان مارجرجس كان قائد جيوش الدولة الرومانية
كلها يعنى كان وزير الدفاع على اقوى جيش فى العالم فى وقتة ادى اول حاجه اتخلى عنها ☝️

تخيل معايا بقى الجنود اللى هو قائدهم بقوا كل شوية يمسكوة ويضربوة ويهينوة ويعذبوة ده احنا لو حد كان شغال عندنا
وعلى فى منصب عننا ممكن نتشل فيها ....

انت متخيل يعنى ايه قاعد ٧ سنين فى زنزانة امتار ضلمة كحل وروايح وحشة ومطرح ما بياكل مطرح ما بينام وطبعا كان اكل لا له طعم ولا ريحة ومستبعدش ان فى ايام عاشها من غير اكل ولا شرب واكيد مكانوش احسن حاجه 😨

ده غير ان طبعا مفيش نظافة شخصية من اى نوع
لا مثلا تهذيب شعر او دقن او غيره 😞

تخيل كل اما يسمع خطوات رجلين بتقرب يبقى ده مؤشر لرحلة تعذيب جديدة 💔

وبعد التعذيب يرجع نفس الزنزانة تانى اللى مش ممكن هتخيل بشاعتها وهو مجروح وبينزف ومتالم وجعان وعطشان وطبعا ميخلاش الامر من قلم او شتيمة او مبالغة فى الاهانة 💔😞

كل ده وهو لوحده بعيد عن عيلتة واصحابة وبيفكر اكيد فى اخواتة البنات والاكيد اكيد ان الشيطان كان عمال يحط فى دماغة افكار قلق وخوف و تشكيك 😈

وفوق كل ده كان (امين) رغم ان مكنش عليه رقيب
الا انه كان بيصلى واكيد كان بيصوم وبيحفظ عفتة .
.. كان ممكن يقول ما انا بتعذب اهو كمان لسه هصوم واصلى 😡
لكن ده محصلش ❤️

وسنة تجيب سنة لحد اما كمل ٧ سنين 😟

الحقيقة ان ادوات التعذيب دى كانت اهون الم اتعرضلة قديسنا
لان الالم النفسى اللى مر بيه يفوق اضعاف الجروح اللى سببتهالة الات التعذيب 👌

عرفت ليه بنقولة امير الشهداء؟👑❤️
متخيل بقى ان حد اتحمل كل ده ربنا مش هيسمع لشفاعتة؟؟

عرفت لما بنقع فى ضيقة بييجى بسرعة ليه ؟؟؟🙏

المره الجاية اللى هتقرى فيها عن شهيد فكر فى كل الالام دى
وانت تعرف احنا بنكرمهم كل التكريم ده ليه 😇