11 - 10 - 2022, 09:54 AM
|
|
|
|
..::| الإدارة العامة |::..
|
|
|
|
|
|
هو فعلا مفيش صاحب جدع ؟!
للاسف دة اللى المجتمع بيحاول يملي دماغنا بيه ويقولنا ان مفيش صاحب جدع
لكن الكتاب بيكلمنا ان كان فى صاحب جدع يوناثان كان صاحب جدع لداود ✨
يوناثان وداود قطعوا عهد والكتاب بيقول " لأنه أحبه كنفسه "
يوناثان كان واقف مع داود ضد ابوه شاول !!
كانت الخناقة على الملك اللى كان ممكن يورثة يوناثان بعد ابوه
لكنه قرر يكون صاحب جدع مع داود برغم ان دة مكنش فى مصلحته
داود كمان كان صاحب جدع بعد موت شاول ويوناثان
وداود دلوقتى بقى الملك
لكنه بعت يدور هل فى حد من نسل يوناثان علشان اردله ولو جزء من اكرامه علشان عاوز اكرمه ..
حقيقى صاحب جدع
الكتاب بيطلب منك وبيدعوك انك تكون صاحب جدع ،
جدع مش يعنى شهم وبتعمل كل حاجه مع صاحبك
لكن جدع يعنى بتساعد صاحبك يطلع لقدام ودة اللى عمله يوناثان مع داود ،
لكن كمان الكتاب بيدعوك انك تلقى الصديق الألصق من الأخ ...
يسوع هو الصديق الألصق من الأخ
فتعال خليه صديقك ودايما هيكون عشمك فى محله 👌✨❤
|
