الخادم المغناطيسى

[walaa farouk]

ماهى صفات المغناطيس ؟
ليه قطبين ، بيجذب الحديد ، بيعمل مجال مغناطيسى

، يمكن مغنطه بسهوله ،
يمكنه جذب أى شئ بسهولة حتى لو فيه حاجز ، أنواع المغناطيسات مختلفة .
إزاى أبقى مغناطيسى فى خدمتى ؟
1- أنى أكون موصل جيد للتيار الكهربائى.. لكن إيه هو التيار الكهربائى ده؟!!
فعلا.. هو ( حياتى الروحية).. وإنى أبقى صورة المسيح فى حياتى.
- يجب على المغناطيس أنه يجذب الأولاد للمسيح مش لأى شخص عادى
- لازم أحاسب نفسى على كل حاجة بأعملها.. لازم يبقى لىّ قاعدة مع نفسى..
وأفكر أنا علاقتى بربنا شكلها إيه؟.. أحيانا نبقى أحنا الخدام بنوصل الأولاد لربنا..
وإحنا مش بنعرف نوصل له..
أحيانا نقولهم امسكوا فى ربنا.. وإحنا بعاد عنه.
2- نظريه Win Win
- أنا ممكن فى علاقتى مع مخدومى أطلع بأربع نتائج:
1- win & loser , 2- loser & loser , 3-loser & win , 4-win & win
لازم زى ما أنا بوصل مخدومى لربنا.. أكون أنا كمان واصل بربنا.
3-لازم أركز مع الأولاد على التوازن مابين الإنجازات والعلاقات :
ماينفعش علشان أطلع نشاط حلو بأنسى أولادى و مخدومينى.. ولا أنسى دور الخدام اللى معايا .
4- لازم أعمل توازن مابين إرضائى وإرضاء المخدومين والخدام اللى معايا:
علشان الخدمة تنجح لازم أكون أنا ومخدومينى والخدام اللى معايا نبقى إيد واحدة..
5- يجب علىّ كخادم أن.. أهتم بكل برادة حديد صغيرة لازم أهتم بكل طفل عندى فى الخدمة :
والا هيبعد عن الكنيسة.
6- ثلاث حاجات ( تحفيز – تمييز – تنفيذ ) :
لازم أحفز الطفل سواء بهدية أو مسابقة أو بكلمة إيجابية .
. ومع التحفيز لازم أميز أنا حفزته بإيه و وعدته بإيه..
ولازم أنفذ الوعد ده علشان كده ياريت نوعد وعود على قدنا.
7- نور و ملح : المسيح قال لنا أنتم نور العالم يبقى لازم زى ما الأولاد بيشفونى
كويس فى الخدمة يبقى لازم يشفونى برضه كويس بره الخدمة.
. المسيح قال أيضًا أنتم ملح الأرض..
خليك ملح فى تعاليمك لازم تعاليمك تبقى صح لازم تعليمك يبقى جذاب .
8- هل أنا فم أم أذن:
لازم لما أكون مع مخدومى أديله إنصات كويس.. خلى ردودك كويسة مع مخدومينك وأنت بتكلمهم
9- خليك صياد : يعنى تشوف كل مخدوم عندك إيه اللى بيجذبه.. وأتعامل معاه .
10- ازرع فكرة فى نفوس المخدومين.. تحصد عادة .. ازرع عادة.. تحصد شخصية..
ازرع شخصية تحصد مصير .
وسائل الجذب اللى بره الكنيسه كتير بس لازم نجتهد لازم نفكر إزاى أحنا كخدام
نبقى مغناطيس لأولادنا جوه الكنيسة وبره الكنيسة