生きがい ikigai ايكي جاي

[walaa farouk]

生きがい
IKIGAI ايكي جاي
دي كلمة يابانية مكونة من مقطعين:
" IKI" (ايكي) ومعناها: "حياة"
و"IGAI" (جاي) ومعناها: "سبب أو غرض أو أهمية"
والكلمتين مع بعض معناهم: "غرض الحياة"
ودي مش بس كلمة لكن فلسفة عن الحياة المهدفة
واللي ليها معنى وفيها إشباع للإنسان.
والحياة دي بتتكون من 4 جوانب مهمة:
ما أحبه – ما أجيده – ما أتقاضى عليه أجر – ما يحتاجه العالم
ما بين "ما أحبه" و "ما أجيده" بيتولد الشغف.
فالشغف هو أكتر حاجة بحبها وشاطر فيها في نفس الوقت

ما بين "ما أجيده" و "ما أتقاضى عليه أجر" بتتولد "الحرفة".
ودي الحرفة اللي بحترفها لأني شاطر فيها
والناس مستعدة تديني فلوس في مقابلها.

ما بين "ما أتقاضى عليه أجر"
و "ما يحتاجه العالم" بتتولد "الوظيفة"
ودي الحاجة اللي بشتغلها وممكن مكونش بحبها
ولا شاطر فيها، لكنها مكان متاح ونفع أشتغل فيه.

وما بين "ما يحتاجه العالم" و "ما أحبه"
بتتولد "المهمة" أو "إرسالية حياتي".
ودي الحاجة الروحية اللي مرات ممكن أعملها من غير أجر
لكن بيكون فيها دافع روحي أو إنساني.

وما بين الأربع دواير دول (الشغف – الحرفة – الوظيفة –
الإرسالية أو المهمة) بيكون الإنسان مشبع تمامًا
ومحقق وعايش حياة ليها معنى.

ينفع نكون بنعمل الأربع أمور في مجالات مختلفة،
أو مجالات تشتمل على أمرين بس،
لكن لو اتجمعت الأربع دواير في نقطة واحدة،
بنكون في أعلى قمة نجاحنا وإشباعنا وسعادتنا.

عمليًا ممكن ده ميحصلش، لكن لو جات لك فرصة لكده متتأخرش.