عارف لما تكتشف بلد اللي قدامك بسهولة أول ما يتكلم بسبب لهجته؟ 🗣
فلو بيتكلم عربي تعرف هو من أي بلد عربي، ولو هو مصري تقدر تميز بسهولة الصعيدي عن الشرقاوي عن الاسكندراني...
والموضوع مش بس في اللغة واللهجة، لكن كمان الطباع.
تخيل لما تروح مكان ويتعرف أنت مين وبتعبد مين من طريقة تفكيرك وتوجه حياتك وطريقة كلامك دا تقريبًا اللي حصل مع عيلة أليمالك ونُعمي. 👨👩👧👦
بعد ما المجاعة ضربت بلدهم (بيت لحم) اضطروا يهاجروا ويروحوا بلد إسمها (موآب) ورغم اختلاف الثقافة واختلاف المبادئ والأفكار وحتى اختلاف الآلهة، لأن الموآبيين كانوا وثنيين، فضلوا عيلة أليمالك ونعمي متمسكين بأفكارهم ومبادئهم اللي ليها علاقة بالله ❗
ولما يجي اليوم اللي نعمي راجعة فيه لبلدها تلاقي راعوث مرات إبنها مُصممة ترجع معاها، وتقرر راعوث تعبد الله مش الأوثان وتعيش وسط شعب الله مش شعب موآب.
⚠ خلّي بالك إن طريقة حياتك وأفكارك ومبادئك واضحين جدًا لأي حد حواليك ومؤثرين جدًأ، وصوتهم أعلى من مجرد الكلام، وهم اللي هيقولوا مين إلهك.
30 - 08 - 2022, 11:08 PM
العرض المتطور