|
 |
 |
 |
|
|
|
رقم المشاركة : ( 1 )
11 - 08 - 2022, 07:24 AM
|
|||||||||||
|
|||||||||||
 كلام جميل أوي عن الغفران والسماح سمعناه مليون مرة في وعظة ومليون مرة كمان في مؤتمر وزيد عليهم كمان مليون في تأمل زي اللي بكتبه.🤷🏻♀️ لكن هيفضل مجرد كلام ملوش معنى لو ماوقفتش عنده. لأول مره بكتشف أني فيا العادة دي، أني أقول حصل خير وأنا مسامحاك لكن عمر الغلطة ما بتتغفر بجد🙅🏻♀️ بفضل فاكراها وحطاها قدام عينيا وكأني من جوايا بقول "لو كنت ناسي أفكرك" ماكنتش شايفة ده لحد ما اتعمل فيا😢… غلطت واتقالي أني اتسامحت لكن طول الوقت كان بيترمي كلام يفكرني🥺 الحقيقة مفيش غرض منه ومفيش حافز وراه غير أن ماكانش في غفران حقيقي. أنا أصلا مانسيتش، بالعكس أنا كل يوم بفكر في بشاعة اللي عملته، وبحاول أرجع العلاقة لأصلها وأحاول أتعامل كأن مفيش حاجة حصلت، دي كلها محاولات أني أعوض عن غلطي وأرجع الثقة، مش محاولات للنسيان.😟 أنا إنسان عادي بيغلط وبيعترف بغلطه وبيحاول يصلح… لما صاحبتي فضلت تفكرني بشكل دوري بقد إيه أنا شخص وحش انسحبت من العلاقة وخسرنا بعض.💔 وقدرت ساعتها أشوف كل الخسارات اللي فاتت على حقيقتها أنه الناس دي مامشيوش عشان مش عايزين يعترفوا بغلطهم، لا هما مشيوا عشان أنا ما اديتهمش مساحة أن العلاقة تتصلح. مَنْ يَستُرْ مَعصيَةً يَطلُبِ المَحَبَّةَ، ومَنْ يُكَرِّرْ أمرًا يُفَرِّقْ بَينَ الأصدِقاءِ. أمثالٌ ١٧ : ٩ 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| مش ناسي لجاجتك |
| في اجواء الحرب والخوف حابه افكرك |
| ان كنت ناسي |
| ناسخ |
| شعب ناصح |
العرض المتطور