08 - 08 - 2022, 09:49 AM
|
|
|
|
..::| الإدارة العامة |::..
|
|
|
|
|
|
👨🏻🦳 أنت عارف إنك السبب في ضعف خدمتنا؟
👦🏻 ماكنتش متخيل إن الموضوع ممكن يوصل لكدة، دي حاجة بسيطة وتافهة وماحدش شافها، أنا كنت وحدي.
👨🏻🦳 بس الله قال عليها لأ.
👦🏻 ما كل المجموعة كويسة وملتزمة، يعني ماجاتش على غلطة زي دي.
👨🏻🦳 بس كان لازم تفتكر إن الله مش بيتعامل معانا بالكتلة، لو الأغلبية كويسين يبقى خلاص تمام، أو لو أنت بس اللي وحش الدنيا تعدي.
الله يهمه يكون كل واحد من شعبه وأولاده بيتبع وصاياه ويطيعه.
👦🏻 يعني هو مركز قوي معايا؟.. دا أنا واحد في الزحمة، الخدمة مش هتقف عليَّ يعني.
👨🏻🦳 أنت مش تايه في الزحمة، قداستك وطاعتك وأمانتك وخضوعك لله في حياتك الشخصية المتدارية هتأثر على بيتك وخدمتك ودورك في كنيستك.
لو حاسس إن ماحدش شايفك وقت الفعل، افتكر إن تبعيات الفعل هتبان وتظهر بعدها ونورك هيتطفي وهتأثر سلبيًا على كل اللي حواليك.
أمانتك في حياتك الشخصية أهم بكتير من وقت الخدمة قدام الناس.
#الأمانة الخدمة
|
