مجرد توضيحات في قصة العظيم الأنبا موسي الأسود

[Mary Naeem]

مجرد توضيحات في قصة العظيم الأنبا موسي الأسود علشان كتير بياخدوا القصه ويقولوا صعب حد يقدر يتوب ويتحول ١٨٠ درجة وفي شباب ممكن تُحبط من سرعه التوبه وقوتها لكن الانبا موسي قصته في البستان فيها تدرج كبير جدا جدا
- في الاول لما سمع عن ربنا من الانبا ايسيذورس مترهبنش في ساعتها ولكنه رجع مكانه وفضل يبكي بالدموع لدرجة انه منمش طول الليل وبعدها راح الي ابو مقار ياخد اعترافه وشاف الملاك بيمسح خطاياه من هنا عرف امانه موسي في التوبه وانه صادق ومن هنا ارسله للانبا ايسيذورس علشان يتلمذ عنده
- في الاول كان بياكل خروف ولما اترهبن الانبا ايسيذورس كان بيخليه ياكل خروف ولكن كل فتره ينقص حته لحد ما وصل انه بياكل نص ثم ربع ثم قطعه واحده ثم امتنع.
- في البدايه لما راهب قاله علي الأكل انت ايه اللي جابك وسطينا يا اسود اللون سكت وقام عن الاكل ولما راح راهب يسأله انت زعلت؟ قاله طبعا بس ابويا ايسيذورس قالي متغضبش وقوم وامسك لسانك ولكن بعد فتره كبيره القصة اتكررت تاني وراهب قاله : انت لسه قاعد معانا يا أسود اللون ساعتها للانبا موسي كان تدرج في فضيله الاحتمال وقاله انت حكمت عليا من وجهي امال لو شوفت قلبي هتقول ايه؟
- في البدايه هجم علي قلايته ٤ حراميه مسكهم وربطهم بالحبال وجابهم للانبا ايسيذورس وساعتها امره انه يفكهم ويمشيهم
- في الاول يأس من محاربه الشياطين وقال انه ملوش في طريق الرهبنه ولكن لما ابوه ايسيذورس خده من فوق جبل وفرجه علي وضع قلايته ان ناحيه الغرب في شياطين بتهجم عليه والناحيه التانيه الشرقية ملايكه بتحارب الشياطين وبتبعدها رجع وتمسك بطريق الرهبنه والتوبه
-الخلاصه ان متخليش الشيطان يقنعك ان القداسة وحياة التوبه وصعب انك تتحول زي موسي الاسود ١٨٠ درجة ولكن خليك واثق انها مش بتيجي مره واحده ولكنها تدريجياً واللي يمد لربنا إيد ربنا بيمدله هو ايديه الاتنين علشان ميفلتش ابداً