معمودية المسيح بتقول لنا إنه ممكن يكون في علاقة بينا وبين الله

[walaa farouk]

من الأمور الرائعة في عيد الغطاس..
أن الكنيسة أطلقت عليه اسم
"عيد الظهور الإلهي"
وده لأن الله ظهر للبشر بشكل مختلف..
القديس يوحنا المعمدان كان بينادي بالتوبة للناس،
وبيعمدهم عند نهر الأردن..
وفجأة بيظهر السيد المسيح وبيطلب من يوحنا إنه يتعمد،
ويوحنا بيرفض لأنه عارف..
إن المسيح مش محتاج للمعمودية..
لأن المسيح كان بلا خطية لأنه الله الظاهر في الجسد،
لكن بنشوف في معمودية المسيح
اتحاد مع البشر الخطاة..
وإزاي إن الله رضي إنه يكون زيهم لكن بلا خطية،
لكن المفاجأة الأكبر إن لما المسيح اتعمد في نهر الأردن،
السما انفتحت والروح القدس نزل
بصورة حمامة على المسيح..
والآب من السماء قال إن المسيح
هو الابن الحبيب اللي فرَّح قلبه..
وده كان أول ظهور للثالوث في العهد الجديد..
من خلال معمودية المسيح الله
إدانا إعلان جديد ومختلف عن نفسه..
شوفنا إنه ممكن الله يتجسد ويتحد بينا،
شوفنا إن الروح القدس ممكن يحل فينا،
شوفنا إن الآب من السماء راضي علينا..
معمودية المسيح بتقول لنا
إنه ممكن يكون في علاقة بينا وبين الله..
والله بنفسه هو اللي حابب يعلن عن نفسه للبشر.
كل عيد غطاس وأنتم طيبين 😍
وبالعلاقة الحقيقية مع الله الثالوث متمتعين 🤲
🙂