20 رسالة عن القصب والقلقاس فى عيد الغطاس

[walaa farouk]

تعيد كنائس مصر بعيد الغطاس المجيد وهو عيد عماد السيد المسيح في نهر الأردن علي أيد يوحنا المعمدان، وفي هذا العيد يتبادل الأقباط الرسائل والتهاني والمعايدات الرقيقة بين بعضهم البعض
، حيث يطغي علي الرسائل أسماء بعض النباتات مثل”القصب والقلقاس”
لأنهما يرمزان إلي معاني وتأملات روحية ترتبط بهذا العيد، ومن أشهر رسائل “عيد الغطاس”

1- ” خبر هام “
فى مثل هذا اليوم
أعلن الناطق بإسم قوات السماء
رفع حالة الإستعداد الأمنى على نهر الأردن، تمهيداً لتعميد أبن الإنسان.
وعلى كل مواطن التسلح بعود قصب!

2- كل سنة وأنتم طيبين .إللى ماياكلش قلقاس .يصبح من غير رأس .وإللى ماياكلش قصب
.يصبح من غير عصب .وإللى ماياكلش يوستفندى .مايبقاش افندى.

3- يابطة طال البعد لكن القدر جمعنا، أخيراً على شربتك القلقاس هيدلعنا،
وبأحلى عيد غطاس ربنا يجمعنا.

4- شويه مطر وعودين قصب وحلت قلقاس مع القداس يبقي أحلى عيد غطاس.

5- قربان فى صينيه ودم فى كاس.وحزمه قصب وحله قلقاس في أحلي عيد الغطاس.

6- ياطيور السماء زوريهم وبسلامى بلغيهم وبعماد المسيح هنيهم.

7- المجد للذى أظهر لنا سر الثالوث بالإعلان فى نهر الأردن. عيد غطاس سعيد.

8- فى عيد الغطاس أهدى أرق إحساس لأغلى الناس مع لبشة قصب وأكلة قلقاس.

9- مطر وقداس عودين قصب وحلة قلقاس يبقى عيد غطاس لأحلى ناس.

كل يوم جديد وأنت غلاوتك تزيد وأسبق العالم وأقولك عيد غطاس سعيد.

10- مع الطيور هأطير وأهتف مع العصافير وأرنم بصوت جميل، وأبعت لك تهنئة بالتهليل بعماد عمانوئيل.

11- نفسى أجمع كل قلقاس العيد، وأكتب عليه يا رب أشوفك سعيد. عيد الغطاس سعيد.

12- عيد غطاس سعيد وقلقاس شديد، وعود قصب مقشر معسل ويلزء الإيد.

13- حبايبنا يا أعز الناس؛ يا دهب فى ميزان حساس، نهنأكم بعيد الغطاس؛ بالبرتقال وقصب
. وقلقاس بعد القداس.
14- أمانينا تسبق تهانينا وفرحتنا تسبق ليالينا وعيد غطاس سعيد عليكم وعلينا.

15- يسوع فى قلبه يخبيك ومن نهر الأردن يناديك وفى يوم عماده يهنيك.

16- هذا هو ابنى الحبيب الذى به سررت .عيد غطاس سعيد.

17- القصب بيقول للقلقاس وحشتينى يا أعز الناس مبنتقابلش غير من الغطاس للغطاس

18- قبل دق الأجراس وقبل بدايه القداس أهنئ كل الناس بأحلي عيد غطاس وكل قلقاس وأنتم طيبين.

19- عاوز أقولك كلمة بجد. يسوع أتعمد في عز البرد؛ علشان أنت عنده مش أي حد.

20- أتمنى ليكم أحلى عيد غطاس،ويكون الرب في قلب كل الناس، وتمصوا قصب وتاكلوا قلقاس
؛بعد ما ترجعوا من صلاة القداس.