استمرارًا في الكلام عن ترجمة التواصل🤝
مهم إنتي كمان تتعلمي متقاطعيش اللي قدامك وهو بيتكلم ✋
عارفين لما بنقرا سؤال في أي امتحان وبنبقى عارفين الإجابة ونبتدي نكتبها وفجأة نكتشف إننا مقريناش باقي السؤال 😵 كارثة
الاستماع لطرف تاني هو كده برضه لازم تسمعي للأخر وإن أمكن تسألي هل خلصت كلامك؟ طيب عايز أتأكد إني فهمت صح إنت تقصد كذا أو كذا؟ 🤔
الحقيقة دي مش حاجة غلط
في وقت كنت بشتغل مع أجانب وطبعا لأننا بننقي الكلمات السهلة علينا في الإنجليزي فمش دايما بتعبر عن اللي بنقصده قوي 🤦♀️
لكن اتعلمت من حد منهم إنه بيسأل إنتي بتقصدي كذا؟
ده عشان يتغلب على حاجز اللغة ما بيننا ويتأكد إنه فهمني صح.
إحنا كمان اللغة ما بيننا برغم إنها ممكن تكون واحدة لكن دلالات الكلام ومعانيه ممكن تكون مختلفة عشان كده لازم تتأكدي إنك فهمتي واتفهمتي صح.👌
09 - 01 - 2022, 08:43 PM
العرض المتطور