أنا مصدق إن وليي حي

[walaa farouk]

وقف "أيوب" وسط كل فقد وكل كوارث وكل مصايب في حياته،
موقف صعب جداً😐
مش بقول تحديات ولا بقول تجارب،
لأن الحقيقة مُحصلة اللي حصل مع أيوب
ميتصنفش غير كوارث ومصايب!
وزاد عليهم ألم ووجع أصحابه اللي المفروض قريبين منه
ويفهموه ويكونوا جنبه!
وأخيراً كمان مراته اللي المفروض أقرب حد ليه بعد فراق أولاده!

وسط كل فراق ووسط كل ترك ووسط كل ضلمة المشهد ده، يقول أيوب كلمات "تتبروز"
كلمات المفروض تبقى شعار كل مؤمن وكل عبد للرب
"أمّا أنا فقد عَلِمتُ أنَّ وليّي حَيٌّ، والآخِرَ علَى الأرضِ يَقومُ"

الجملة دي غنية جداً وكل كلمة فيها ليها معنى وليها قوة عجيبة

👈"علمت" يعني مُتيقن ومُتأكد بالرغم من كل اللي في المشهد أنا "متأكد"
👈"وليي" أحلى كلمة بالنسبالي في الآية دي يعني "فاديا" يعني "نصيبي" يا يعني "المسئول عني" يعني "اللي معاه أمري" وأحلى تعبير لقيته عنها يعني "شفيعي" اللي ساترني ومغطيني دايماً!
👈"حي" مش ميت قوي قائم قادر ويقدر يغير ويخلصني مهما بانت ضلمة المشهد
والأجمل أنه في النهاية في الآخر عنده الحُكم وعنده الحياة وهيقوم وهيقومني معاه
أنا مصدق إن "وليي حي" هللويا 🤩

[بشرى النهيسى]

جميل جدا

الرب يباركك

[walaa farouk]

ميرسي علي مرورك الغالي