المعجزة ليست في الشفاء فقط

[walaa farouk]

#أوقات ..
فيه ناس ..لو كان ربنا رجعهم للحياة
من مرض صعب ، أو حادثة شديدة ،
كانت هتبقى معجزة حلوة ..
ولو سابهم للموت ، بتبقى المعجزة أكبر وأقوى ..🔥🔥

أفتكر مرة أبويا الروحي سألنا ..
تفتكروا لو التلاميذ كان عندهم ايمان ،
وسابوا يسوع نايم ف السفينة وسط هياج الموج
كان حصل إيه ..❓❓❓
كلنا بالعاطفة الروحية قولنا ..
👈 أكيد المركب ما كانتش هتغرق ..!
لكن ..أبويا قال ..
لأ كانت هتغرق بفعل الطبيعة ..❄☁🌊
لكن ، كانوا هيكتشفوا إنهم مع المسيح
بيتنفسوا تحت المايه ..!! ❤❤
زي ماالفتية التلاتة اتمشوا جوه النار ..!

يسوع لما سكت الريح والموج كانت معجزة كبييرة ،
و لو ماكانش عملها ، كانت المعجزة هتبقى أكبر ..!☝☝

#عشان_كده ..
إن كان فيه ناس شفائهم كان معجزة ليهم ..
ففيه الأكتر ،
اللي موتهم وعدم استجابته لمعجزتهم،
صار هو نفسه معجزة شفاء للي حواليهم !🙏🙏

[بشرى النهيسى]

جميل جدا وراائع
الرب يباركك