|
 |
 |
 |
|
|
|
رقم المشاركة : ( 1 )
24 - 11 - 2021, 12:08 PM
|
|||||||||||
|
|||||||||||
|
11 مهارة أساسية محتاجه تعلميهم لبنتك قبل ما تكبر
أول ما اتجوزت وسافرت مع زوجي قطر جه فى يوم وسألني ايه رأيك نشتري سمك تمام بس خلي الراحل ينضفه كويس قوي وراح ونقي السمك وعمل تشكيله حلوه كده وأول ما جه ينضفه لقى محلات التنضيف قفلت وجالى بيه زي ماهو اضايقت قوي بس عرفت انظفه رغم ان المايه كانت قاطعه ومكنش عندي ادوات كفايه وافتكرت ماما لما كانت تيجي في أجازة الصيف وتعلمنا تنضيف السمك والفراخ وعمايل الأكل ...رغم انها في الطبيعي بتجبهم متنضفين.... وتقول اتعلموا الدنيا ماشيه ازاي متعرفوش بكره فيه ايه المهارات الحياتيه دروس مهمة لبناتنا مبيتعلموهاش فى المدرسه رغم انها أهم مهارات فبلاش تنسيها لغاية ما بنتك توصل لسن المراهقة علشان تعلميها وأبدئي من دلوقتي _____________________________________ هقولك هنا على 11 مهاره منها.... وأقتراحات لتطبيقها ........يلا بينا 📌1_مهارة أتخاذ القرار إبدئي بأختيارات صغيرة زي تحبي اجبلك شيكولاته ولا أيس كريم تلبسي الفستان الأحمر ولا الأزرق ولما تكبر شويه خليها تتحمل نتيجة المكافآت الطبيعيه للقرار الصح وعواقب القرار الغلط وساعديها توازن بين خيارتها بعد ما تتوقع النتيجة المحتمله وبعدين سبيها تاخد القرار النهائي لوحدها 📌2_ إدارة الأموال بداية من تعلم عد الفلوس تطبيق قوانين الmath في حياتنا أهمية الفلوس كأداة بتسهل علينا الحياة وليست هدف ازاي تحوش وتجيب حاجه محتاجاها الموازنه بين الحرص الشديد والتبذير 📌3_ادارة الوقت عن طريق تعلمها الساعه انها تفضل فى مهمه لغايه ما تخلصها للأخر تلتزم بجدول زمني وتخلص فى المعاد مظبوط 📌4_تحضر وجبة طعام ابدئي بالحاجات البسيطه زي استخدام Microwave أو فرد عجينه البيتزا أو تحضير جبنه وعيش ثم درجلها فى الصعوبه على قد سنها ✓5_النظافه والصحه بنطلب من بناتنا دايما يغسلوا سنانهم ويغسلوا الفاكهة قبل ما ياكلوها ويغسلو ايديهم وياخدوا shower من غير ما نقول اسباب هنا محتاجه تشرحلها ليه النظافه والصحه مهمه لحياتها وبعدين تعوديها على العادات دي عن طريق جدول لروتين النظافه اليومي وأول ما تتقنه تسحبيه وهتلاقيها بتعملهم اتوماتك لانها خلاص اتحولت لعاده ✓6_التظيف أبدئي معاهم... حتي لو مش محتاجه مساعدتهم هما محتاجين يتعلموا المهاره دي بداية من غسيل الاطباق تفضية غسالة الأطباق ترتيب السرير لم اللعب في السله وبعدين درجي فى الصعوبه برضه ✓7_غسل الملابس بداية من فرزها تبع اللون وتشغيل الغساله ونشر الهدوم ✓8_مقارنة السوق علميها متشتريش اى حاجه قدامها ولكن تشوف أد ايه هي محتاجلها وبعدين تقارن بين جودة وسعر الحاجه دي فى اكتر من مكان وتشتري الأنسب ممكن ده تعمليه قدامها عن طريق search بسيط على النت ✓9_الطلب فى المطعم من أول ما تكون صغيره اديها فرصه تختار الأكل على حسب اللون او الصوره أو الصنف اللى بتحبه اللى فى ال menu وتطلب بنفسها من الجرسون ✓10_الاستعداد مهارة الاستعداد لوحدها للمدرسه او خروجه بظبط المنبه وتحضير حاجاتها من قبل كده مهاره مهمه جدا ✓11_صيانة البيت علميها تصلح الحاجات السهله زي كتاب اتقطع تلصقه،او تغير لفة مناديل الحمام،أو تغير كيس الزباله وبكده ١١ مهارة لتكونى فخورة ببنتك للغاية .... 
|
|
24 - 11 - 2021, 01:01 PM
|
رقم المشاركة : ( 2 ) | ||||
|
† Admin Woman †
|
رد: ١١ مهارة اساسية هامة لبنتك
في منتهى الجمال ربنا يباركك |
||||
|
|
|
24 - 11 - 2021, 05:56 PM
|
رقم المشاركة : ( 3 ) | ||||
|
..::| الإدارة العامة |::..
|
رد: ١١ مهارة اساسية هامة لبنتك
مشاركة جميلة ربنا يفرح قلبك |
||||
|
|
 |
| أدوات الموضوع | |
| انواع عرض الموضوع | |
|
العرض المتطور