جرس إنذار

[walaa farouk]

خاف من اللي لما يغضب يسكت ، لانه يا ح يكتم غضبه فيعيا بسببك و تشيل ذنبه ، يا ح يكوم مرارة ضدك و يدور علي طريقة ينتقم بيها منك..

خاف من اللي يتكلم علي الناس قدامك و يغتاب سيرتهم بالردي مهما كانوا ، لان اللي قالك ح يقول عليك ، و بكرة سيرتك يمسكها و يلسن عليك قدام الكل ..

خاف من اللي يضحك في وشك ، و يقول احلي كلام ، لكن سيرته عكس كلامه ، لا التزام و لا احترام و لا امانة ، و الإنسان منا أعمال لا أقوال..

خاف من اللي يحب النور و يعشق الظهور ، المصلحجي ، اللي ما لوش عزيز ، الغدار القلاب اللي ما لوش امان ..ده ح ياخد منك مصلحته و يقفل بابه في وشك علي اول ناصية و يسيبك بحسرتك و زعلتك و قهرتك..

خاف من اللي رفض ياخد حقه منك و سامحك ، لانك لو ما خدتش رضاه و ما رجعتلوش مظلمته، بقي حقه عند اله السما و الارض ، و اتنقل حسابه الي عدل الله ، اللي ما بيضيعش عنده حق
د/ مجدي إسحق

..