يمكن الخوف الوحيد اللي كان مسيطر عليا اغلب الوقت ومش عارف اتخلص منه هو الخوف من السقوط..
خوفي من اني أبقي " يائس " لدرجة اني محاولش أعافر مع الحاجة اللي بتشدني لتحت واسلم نفسي ليها بكل سهولة..
كنت بكل سذاجة بكرر نفس غلطاتي وأقول عادي ما انا كده كده هقدر اقوم من تاني زي ما عملتها كتير قبل كده..
لكن كان بتيجي عليا اوقات كنت من غير ما احس بلاقي نفسي بقع في مياه ضحلة ملهاش أخر..
في الأول كنت بخاف من الموضوع ده واني هل اقدر اطلع تاني!
وابدأ من جديد لكن حسيت ان لا خلاص مفيش أمل واني هفضل تحت علي طول..
لحد ما لقيت فيه ايد بتتمدلي مكنتش اعرف هي ايد مين ولا ايه اللى جابها الوقت دة وازاي قدرت توصلي وانا تحت اوي كده..🥺
لكن في لحظة ما مدتلها ايدي كان عندي امل انها تكون ايد تساعدني وفي ثانيه لقيتها بتسحبني لفوق وبتساعدني ابدأ من تاني ومره في مره بقيت اقدر اقاوم الحاجات اللي كانت بتسحبني لتحت وبدل ما كنت بقع في المياه واغرق في القاع بقيت بمشي علي المياه وبكل ثقه..
وكل ده يرجع لصاحب الأيد الحنينه اللي شدتني وانتشلتني من القاع..🤍
13 - 10 - 2021, 07:20 PM
العرض المتطور