|
 |
 |
 |
|
|
|
رقم المشاركة : ( 1 )
26 - 09 - 2021, 07:55 PM
|
|||||||||||
|
|||||||||||
 لما بنقرا أول اصحاح في سفر التكوين.. بنشوف إن الله هو اللي خلق كل الكون بكلمة منه، وكل جزء من أجزاء الخليقة الله خلقه بشكل كويس جداً لكن لما جه خلق الإنسان قال حاجة مختلفة 👌 "فَخَلَقَ اللهُ الإِنْسَانَ عَلَى صُورَتِهِ. عَلَى صُورَةِ اللهِ خَلَقَهُ. ذَكَرًا وَأُنْثَى خَلَقَهُمْ." (تك1: 27).. الله ميز الإنسان عن باقي المخلوقات إنه مخلوق على صورة الله 😍 والسؤال اللي بيجي في ذهننا لما بنقرا الكلمات دي.. يعني ايه الإنسان مخلوق على صورة الله !؟ صورة الله مش معناها إن الإنسان شبه الله في الشكل، لأن الله روح ومالوش شكل مرئي زي البشر.. لكن صورة الله معناها إن الإنسان يشبه الله في بعض الأمور زي.. إنه كائن مُفكر وليه إرادة ومشاعر ويقدر يعيش بحياة أخلاقية.. لكن للأسف بسبب الخطية اتشوهت صورة الله جوة الإنسان.. والنتيجة إن تفكير الإنسان ومشاعره وإرادته فسدوا، وأصبح الإنسان عنده ميل كبير للشر.. لكن الله قرر إنه يصلح صورة الله اللي اتشوهت جوة الإنسان.. وده من خلال شخصية المسيح يسوع اللي إدانا صورة حقيقية عن الله.. وصورة حقيقية عن الإنسان اللي الله عاوزنا نكون زيه، ولما بنقبل المسيح كمخلص شخصي.. بنبدأ في رحلة تغيير واسترداد لصورة الله مرة تانية في حياتنا.. وده اللي بيقوله الرسول بولس عن الناس اللي نالت الخلاص.. "لأَنَّ الَّذِينَ سَبَقَ فَعَرَفَهُمْ سَبَقَ فَعَيَّنَهُمْ لِيَكُونُوا مُشَابِهِينَ صُورَةَ ابْنِهِ" (رو8: 29)... يمكن صورتك عن نفسك تكون مغلوطة ومش صحيحة، ويمكن تكون بتصارع إنك تحسن من الصورة دي ولكنك فشلت.. من خلال المسيح بنقدر نسترد صورتنا الأصلية اللي خلقنا الله عليه... ونقدر كمان نعيش بشكل مختلف ومميز عن العالم اللي حوالينا. 🙂 
|
 |
| أدوات الموضوع | |
| انواع عرض الموضوع | |
|
العرض المتطور