إعتيادك على عدم وجود حد فى حياتك بشكل يومى ، قادر يوصلك لنسخة خطيرة منك .. نسخة أقوى من اللزوم !
إنك قدرت تتخطى أوقاتك الصعبة لوحدك ، تفاصيل يومك ماحدش بيسمعها سواء كانت مملة أو مليانة أحداث ، بقيت مالك مفاتيح فرحتك و قادر تفرح نفسك بنفسك من غير تدخل خارجى من حد ..
مش هتلاقى نفسك بقيت شخص إنطوائى .. بالعكس ، فى أى مكان هتتواجد فيه هيكون ليك تأثيرك فى إللر حواليك !
لكن دخول حد فى حياتك بشكل يومى هيفضل شئ مبقاش مريح ليك زى زمان ، تلاقى نفسك حاسس بعبئ و عايز ترجع تانى لسكونك و هدوئك .. تشوف الأمور و الناس من بعيد و هما كمان يشوفوك من بعيد و بس !
و فى الحقيقة ده شئ مش وحش ولا حلو .. إنت بس لما توصله هتحس بإنك غريب و مختلف عن إللى حواليك ، إنك فى وسط ما إللى حواليك بيسعوا لإيجاد شخص يملا يومهم ، إنت بتتنازل بسهولة عن أى فرصة تجيلك !
20 - 09 - 2021, 07:41 PM
العرض المتطور