اسكتش اهمية الكتاب المقدس فى حياتنا وعن اى كتاب تانى

[walaa farouk]

الشخصيات الكتاب المقدس.. كتاب الحساب.. كتاب العلوم ..كتاب الدراسات .. الموبايل.كتاب الحاسب الالى.
مناسب لمراحل ابتدائى وينفع فقرة افتتاحية
يدخل كتاب الحساب
الحساب : اهلا بيكم يا اصحابى انا كتاب الحساب عارفينى اكيد بكون معاكم علطول فى المدرسة وبنذاكر مع بعض وانا النهارده كنت رايح انام عشان صاحى من ساعة الصبح بدرى ونفسى انام شويه واخواتى الكتب جايين دلوقت ومعزومين على الاكل معايا ومعاهم كتاب مهم خالص اخيرا جاى معاهم هو الكتاب المقدس
يرن الجرس
كتاب الحساب : ياااه شكلهم وصلوا استنوا اروح افتح ليهم عشان هناكل مع بعض دلوقت
كتاب الحساب : اهلا بيكم يا اصحابى ادخلوا ادخلوا يلا عايزين نتعرف على بعض اكتر وكمان اصحابنا يعرفونا اكتر
يدخل باقى الكتب وكل واحد هيعرف نفسه
كتاب العلوم :اكيد اكيد انا اول واحد هعرفكم بنفسى الاول ازيكم يا اصحابى انا كتاب العلوم اكيد عارفينى وانا اهم كتاب نهارده معزوم معاهم عشان انتوا بتاخدونى فى المدرسة معاكم وتعرفوا حاجات كتير جديدة عنى وتبقوا شاطرين خالص شوفتوا ازاى انا احسن واحد ومن غيرى مش هتعرفوا تنجحوا خالص خالص فى المدرسة
يدخل فى الكلام كتاب الدراسات
كتاب الدراسات: ازاى كدا يا كتاب العلوم انا اهم واحد منكم كلكم عشان انا فى المدرسة والتلاميذ بتتعلم حاجات مهمة عنى بردو ومن غيرى مش هينجحوا وبكون معاهم علطلول فى المذاكرة لازم اكون مهم ولا اى رايك يا كتاب الحاسب الالى
يتحدث كتاب الحاسب الالى
الحاسب الالى : ازاى انتوا مهمين انتوا شوية كتب مليهاش لا زمة وممكن بعد ما نخلص مدارس نرميهم وكمان ننسى كل حاجه خالص بس انا كتاب الحاسب الالى كتاب الكمبيوتر اللى عندى كل حاجه حلوه على الكمبيوتر والاطفال لازم يتعملوا كمبيوتر وكمان يقدروا يلعبوا عليه كتير ويتعلموا عليه حاجات كتير خالص ويتفرجوا على قصص وافلام واغانى واحنا كلنا بنتعلم على الكمبيوتر فى البيت عشان انا مهم دلوقت خالص فى بيوتنا عرفتوا ازاى انا مهم خالص فى البيت وحياتنا دلوقت اى رايك يا كتاب الدراسات بقى دلوقت انا احسن منك ولالا واهم منك فى البيت ولالا
يدخل الموبايل فى الكلام
الموبايل : ازاى انتوا مهمين انا الموبايل اهم منكم بكتير خالص انا بكون معاهم فى البيت وكمان فى اى مكان ويقدروا يلعبوا بيا وكمان يحطوا اى حاجه على الموبايل وكمان انتوا فى المدارس بس اما انا علطلول معاهم ومن غيرى ميعرفوش حاجه خالص شوفتوا انا مهم ازاى بردو مع الكتب دى انا مهم خالص
كتاب الدراسات : ايوه يا موبايل انت مهم خالص بردو زى انا كدا وكتاب العلوم كلنا مهمين اكيد ولازم نكون احسن كتب فى البيت عشان الاطفال يبقوا شاطرين
كتاب العلوم : بصوا كدا الكتاب المقدس جاى علينا اهو
الكتاب المقدس : ازيكم يا اصحابى انا سمعت كلامكم كلكم ايوه انتوا مهمين علطلول فى حاجات كتير ولازم ناخد بالنا كدا كل الكتب حلوه ومهمة بس انتوا نسيتوا حاجه
الكتب مع بعض : اى بقى نسينا اى
الكتاب المقدس : نسيتوا العلاقة مع ربنا انتوا كلكم حلوين طبعا فى المدرسة والبيت بس اهم حاجه الحياة مع ربنا صح ولالا
كتاب العلوم : ايوه طبعا بس انت مهم ازاى احكيلنا
الكتاب المقدس : هقولكم يا اولادى احنا فى البيت يا اولادى عرفنا ازاى صلاة ابانا الذى فى السموات
كتاب الدراسات: اكيد عشان موجودة فى الكتاب المقدس
الكتاب المقدس: شوفتوا اهو اول حاجه ان بابا يسوع علمنا الصلاة وعرفناها من الكتاب المقدس اما بدأنا نقرى فيه
كتاب الدراسات : طيب اى تانى
الكتاب المقدس: وعرفنا ازاى الصوم ممكن تقولوا ليا ازاى
كتاب الحاسب الالى : ازاى
الكتاب المقدس: طبعا عشان بابا يسوع صام فى البرية اربعين يوم وكمان موسى النبى وانبياء كتير صاموا يبقى عرفنا ازاى ان دول صاموا
كتاب الحاسب الالى: اكيد عرفناها منك يعنى عرفنا كل ده من الكتاب المقدس ومن غيره مكناش عرفنا
الكتاب المقدس : وكمان قصص الخليقة والأنبياء من اول ادم وحواء وقصة ميلاد الرب يسوع والقيامة والرسل عرفناها ازاى
كتاب الدراسات: اكيد القصص دى كلها فى الكتاب المقدس ومن غيره مكناش عرفنا حاجه
الكتاب المقدس: ايوه صح يعنى شوفتوا يا اولادى انا بالنسبالكم مهم ازاى وعرفنا الصلاة والصوم من الكتاب المقدس وكمان مينفعش نشتم او نكذب او نعمل حاجه غلط ونتعلم العطاء ونسامح بعض كل ده عرفناه ازاى
اكيد من الكتاب المقدس والقصص الحلوه اللى فيه
كتاب الدراسات : طيب واى تانى
الكتاب المقدس: وكمان احنا نتعلم كل حاجه من خلال الكتاب المقدس وازاى نحفظ ايات حلوه وناخد بركة كبيره خالص وكمان عشان احنا بنقرى فى الكتاب المقدس ونحفظ ايات ومزامير ربنا بيساعدنا فى باقى الكتب ونبقى اولاد حلوين خالص ونتعلم حاجات كتير خالص
كتاب العلوم: يعنى احكيلنا اكتر بردو عشان نعرف عنك
الكتاب المقدس: احنا اتعلمنا المحبة ونحب بعضنا من الكتاب المقدس ونحترم بعضنا ونسامح بعضنا وكمان بيبقى موجود فى البيت علطلول عندنا وكمان موجود فى كل مكان وكل وقت معانا وكمان اى حاجه تحصل فى حياتنا نقرى ايات من الكتاب المقدس ونصلى فى الكتاب المقدس وفى حاجه مهمة تانى
كتاب العلوم : ايه بقى
الكتاب المقدس: عارفين كتاب الاجبية اللى بنصلى فيها فى البيت صلاة باكر والغروب والنوم وباقى الصلوات حلوه خالص بس كل حاجه فى الاجبية واخدينها من الكتاب المقدس عشان المزامير والانجيل وكل حاجه عندى واغلبها بنصلى فيها فى الكتاب المقدس شوفتوا انا مهم ازاى
الكتب مع بعض : ياااه ده الكتاب المقدس مهم خالص خالص احنا عرفنا انك اهم كتاب فى الكتب كلها وكلنا بنحتاج نقرة قى الكتاب المقدس اكيد
الكتاب المقدس : عشان كدا لازم يا اصحابى نتعلم نقرى فى الكتاب المقدس ونخلى بابا وماما فى البيت يقروا ومعانا حتى لو حاجات صغننه عشان ده بركة كبيره خالص وربنا بيحبنا خالص اما نقرى فى كتابه عشاه الكتاب المقدس كل حاجه مكتوب فيه مكتوبة بارشاد من الروح القدس مش كلام وخلاص عشان بيعلمنا حاجات كتير حلوه ونتعلم نبطل شتيمة وحلفان ونحط عطاء فى الكنيسة وكمان نتعلم نحترم بعض ونحترم الكنيسة عشان الاية عندى فى الكتاب المقدس ببيتك يارب تليق القداسة وحاجات حلوه كتير ياريت متنسوش تقروا كل يوم فى الكتاب المقدس كل يوم عشان ربنا يديكم بركة حلوه خالص ويساعدكم كمان فى البيت والمدرسة عرفتوا بقى الكتاب المقدس مهم ازاى فى حياتنا
الكتب : اكيد كلنا عرفنا ان الكتاب المقدس اهم من اى كتاب تانى ولازم كلنا نقرا فيه ونسمع كلام ربنا ومنعملش حاجه وحشة خالص .
الكتاب المقدس: يلا بقى اوعوا تنسوا تقروا فى الكتاب المقدس يلا بقى هسيبكم دلوقت يلا سلام سلام
باقى الكتب : يلا سلام سلام