|
 |
 |
 |
|
|
|
رقم المشاركة : ( 1 )
27 - 08 - 2021, 01:21 PM
|
|||||||||||
|
|||||||||||
 ما تخليش مجموعك وتنسيقك يسوقك. . لطلبة الثانوية العامة : أقرأ دي قبل ما تكتب رغباتك في التنسيق👇 يا ما ناس دخلت طب وصيدلة وهندسة.. وفي الآخر بعد ما دخلوا ندموا على دخولهم لكلية هما مش حابين دراستها وما عندهومش حب للمجال بتاعها.. وياما ناس ندموا بعد ما اتخرجوا وبذلوا مجهود كبير في دراسة حاجة هما مش حابينها.. وفي النهاية عملوا شيفت كاريير وانطلقوا ونجحوا في مجالات تانية كان نفسهم فيها.. طبعا أنا مش باقول إن الكليات دي مش حلوة.. أكيد مش دا قصدي.. بس الاعتراض على تقسيمة كليات القمة وكليات القاع.. تقسيمة ظالمة فيها تصنيف للبشر.. فيها واحد بقى فوق والتاني تحت.. وكأن الحياة بتنور فقط للي بيخش الكليات دي.. وبتقلب ضلمة على اللي ماجابش مجموع ومالحقهاش.. دا اختصار للحياة بشكل هزلي.. واختزال للتنوع اللي ربنا خالقنا عليه.. تخيلوا معايا كدة لو كل الناس جابت أعلى الدرجات وطلبة ثانوية عامة كلهم دخلوا طب وصيدلة وهندسة.. مين اللي هيعمل الحسابات ومين اللي هيعمل تسويق ودعاية ومين اللي هيذيع الخبر في التليفزيون ومين اللي هيمثل ومين اللي هيلعب كورة ومين اللي هيدرب أولادنا في السباحة ومين اللي هيعمل تصميم حلو ومين اللي هيصورهم في أفراحهم ومين اللي هيرتبلهم حجز الفندق ومين اللي هيبقى الكوافير بتاعهم وفين الشيف اللي هناكل من إيده أحلى أكلة في الفرح وفي الفندق ومين اللي هيفتح مطعم ومين اللي هيعمل كافيه.. ومين اللي هيشتغل HR في الحاجات دي كلها.. ومين اللي هيعزف مزيكا.. يا جماعة خللوا فكرنا أوسع وأكبر من كدة.. من فضلك ما تخليش مجموعك أو تنسيقك هو اللي يسوقك وانت مغمي عينك ولاغي عقلك وفكرك وشخصيتك.. وتفضل قاعد متنكد من المجموع ومستني الكلية اللي هتقع عليك وانت وحظك وخلاص.. من فضلك ما تقبلش باللي يتبقى لك.. من فضلك اسبق أنت نفسك بخطوة.. واختار اللي بتحبه.. وخليك غير تقليدي.. سيبك من كلام الناس ورأيهم اللي ساعات كتير بيلغبط.. ما حدش هايعرف اللي يناسبك قدك.. حاول تكتشف مواهبك ووزناتك اللي ربنا مديهالك.. حاول تتخيل نفسك في الشغلانة اللي هاتحبها ومش هتزهق منها وانت بتقضي فيها عمرك.. لازم تكتشف شغفك في إيه بالظبط.. لما بتخللي شغفك هو شغلك.. هتنجح هتنجح .. واللي بينجح في أي مجال بيقدر مع الوقت يطلع منه فلوس حلوة لو اشتغل بنفسه وعمل مشروعه الخاص أو بيكون مرتبه كويس لو بقى موظف .. المهم تعرف أنت بتحب أيه..؟؟ ودلوقتي غير زمان بقى في شغلانات كتير جديدة ومختلفة عن زمان ومجالات جديدة كتيرة جدا.. المهم تبقى بتحب اللي بتعمله عشان تبدع فيه.. بدل ما تفضل قاعد حاطط إيدك على خدك زعلان ع المجموع وحاسس إن ماليكش قيمة ومش فاضلك كليات كتير تفكر فيها.. استغل الوقت في إنك تعرف مواهبك.. شغفك.. الحاجات اللي انت شاطر فيها.. وقرر هتدخل أنهي كلية من الكليات المتاحة قدامك وهاتناسبك.. وباشجع كمان اللي جابوا مجموع كبير.. ماتدخلش الكلية اللي تنسيقك بيرميك فيها.. فكر الأول أنت حابب الكلية دي ولا أنت داخلها عشان جيبت مجموعها وخلاص ؟؟؟ 
|
 |
| أدوات الموضوع | |
| انواع عرض الموضوع | |
|
العرض المتطور