أعداء الناجحين و المبسوطين

[walaa farouk]

للآسف "غالبية" الناس ما بتحبش أي شخص مشهور أو ناجح أو متميز في اي مجال ، علمي أو عملي أو حتي ديني ..

طبعا فيه استثناء، زي الاب و الأم و معلم المدرسة أو الجامعة ، و زي اصحاب النفوس البيضا و القلوب الصافية ، و دول قلة القلة ..

ما حدش يحب يشوف حد احسن منه ؛ ده بيموته من جوه ، و يخليه يطلع أسوأ ما فيه من حقد و حسد و غل..

و ح نروح بعيد ليه؟؟ ما تراجع قايين عمل ايه في اخيه هابيل لما قتله لأنه ما استحملش أن ربنا يستجيب لصلاة هابيل دونا عنه !!

قايين لسه عايش جوه ناس كتير ..

الدرس :

اوعي تكون انت قايين ، لأن حسدك بيقتل ناس نفسيا و معنويا ، و بعدين يحطمك انت شخصيا و يخليك منزوع البركة " فَالآنَ مَلْعُونٌ أَنْتَ مِنَ الأَرْضِ الَّتِي فَتَحَتْ فَاهَا لِتَقْبَلَ دَمَ أَخِيكَ مِنْ يَدِكَ. (تكوين ٤: ١١) ..

درس تاني : اتمني النجاح لغيرك ، لأن من القوانين الإلهية أن اللي يتمني البركة بغيره ياخد زيها و اكتر منها..

درس تالت : لما تلاقي "حسود" اتحامي من شره في ستر الصلاة و الوعود الإلهية..

درس أخير : خبي نجاحك قد ما تقدر ، و اتداري في ستر الله و ما تبقاش تتكلم عن نجاحك خالص ..
و لو الناس اتكلمت عنه انسبه بسرعة لربنا بكل تواضع ، و حول الكلام عن نجاحك لنجاحهم..

و ربنا يحمينا من شر "أعداء الفرح و النجاح" !!