|
 |
 |
 |
|
|
|
رقم المشاركة : ( 1 )
31 - 05 - 2021, 07:46 AM
|
|||||||||||
|
|||||||||||
 عارفين لما الدنيا تتملي سحاب اسود، وبعده مطره شديده جدا وبرق ورعد وريح ونلاقي اليوم في عز الظهر قلب ليل. كتير مش بينزلوا من بيوتهم، اللي في الشارع بيجري يستخبي من المطره والريح والشوارع اللي بتغرق ميه وكتير قلبه بيتقبض ويبص من وراء الازاز علي الدنيا اللي اتقلبت فجأة والجو الكئيب اللي حوالينا. وكتير برضه بيفرح بالمطره دي علشان الزرع هيسقي، الشوارع هتتغسل، الشجر اللي هيلاقي ميه نظيفه الحيوانات والطيور اللي في الشارع ربنا بعتلها تشرب. وبيبص للسحاب الاسود وهو واثق ان الشمس وراه. وان اشعتها بتحاول تكسر ظلمته وتنزلنا خيوط من نور ويبص علي المطره ويبتسم ويشغل موسيقي بيحبها مع كوبايه قهوه ويقف يتفرج علي جمال المنظر االي بتدبير ربنا و يعمل اي حجه ينزل بيها الشارع يمشي تحت الميه. اهو كلنا كده وقت المشاكل في اللي بيكتئب ويفقد الأمل ويشوف سواد الدنيا حواليه وان مفيش مخرج والبرق والرعد هينزل يكسر البيت اللي هو فيه وشارع غرقان وطوفان هيحصل يغرقه. وفي اللي بيبص للمشكله بشكل إيجابي هو عارف انها موجوده وعارف ان الشارع غرقان ميه بس عارف انه ممكن يعدي فيه برضه ممكن يتزحلق يقع يتبل بس هيقوم ويكمل للمكان اللي رايحه واثق ان وارء السحاب الاسود ده في شمس هتطلع كتسر السحاب وتخرج وتنور اليوم وعارف وواثق ان ربنا مش بيدي انسان فوق طاقته ابدا ، فهو في عاصفه واثق ان ربنا حاطط جواه كل الأدوات اللي هتساعده يخرج منها علشان كده بيشوف في عقله الشجر وهو بيكبر الحمام والعصافير والحيوانات وهي لاقيه ميه تشرب بيشوف الشمس خارجه من تاني. كلنا عندنا مشاكل كبيره وبسيطه ونص نص..... بس مش كلنا بنبصلها بنفس الطريقه أكسر يأسك أمن بربنا وانت تشوف شمس سحابك. 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| عاملين صحابك بس هما مش صحابك .. 😉 |
| مين يمسك وانت محمي بدم الخروف |
| رتب صحابك ع الورق |
| اشبع من صحابك |
| صحابك ولا |
العرض المتطور