29 - 05 - 2021, 12:14 AM
|
|
|
|
..::| الإدارة العامة |::..
|
|
|
|
|
|
في معجزة من معجزات الرب يسوع
واحدة ست كان عندها مرض صعب بقاله 12 سنة
بيعذبها وبيتعبها وصرفت كل الفلوس اللي حليتها
علشان تعالجه ومتعالجتش، بالعكس حالتها ساءت
ولما عرفت إن الرب يسوع موجود قريب
قررت تروح بس تلمس طرف ثوبه وتمشي
وكانت مصدقة إنها هتخف، وفعلا حصل وشُفيت ..
لكن بنشوف بعدها على طول
حاجة غريبة جدا بيعملها معاها.. إنه بيوقف كل حاجة
علشان يسأل مين اللي لمسه؟
ولما كان في خوف وخجل اعلنت الست عن نفسها
ماكنتش دي النهاية.. لكن المسيح وقف يسمع منها اللي حصل
( رغم إنها شُفيت خلاص ) والإنجيل يقول كدا في مرقس 5
إنها قالت له ( الحق كُله )!
أيوا حكيتله معاناة الـ 12 سنة اللي عدوا،
والدكاترة الكتير اللي راحت لهم وتعبوها اكتر ..
ايوا كانت محتاجة تتسمع ومعاناتها تتقدر ووجعها يتحس بيه
ودا اللي عمله المسيح واهتم اوي إنه يسددلها
الاحتياج الغالي المُهم دا ..حتى بعد ما شفاها!
تأكد يا صديقي إن الله شخصيا مُهتم يسمعك ويقدر ظروفك
ومعاناتك ووجعك لو إنت في علاقة شخصية معاه.
|
