احاد الخمسين المقدسة

[roma1611]

آحاد الخمسين المقدسة

الخمسين المقدسة بنحتفل فيها كل يوم بقيامة السيد المسيح بطقس فرايحى جميل ...
وزى ما الصوم الكبير كان كل يوم أحد فيه بيمثل قصة معينة توصل معنى معين ،
برضه آحاد الخماسين رتبت الكنيسة إنها تكون عن ملكوت الله أى الإيمان بالمسيح ولاهوته والثبات فى هذا الإيمان وانتظار حلول الروح القدس ... تعالوا نشوف كل أحد منهم :
1. الأحد الأول ( أحد توما ) : الثبات فى الإيمان
عيد سيدى صغير ... بيتكلم عن ظهور ربنا للتلاميذ ومعهم توما اللى قال لازم أشوف بعينى عشان أؤمن ... فربنا ظهر لهم وخلى توما يشوف ويلمس الجراحات وقال : " طوبى لمن آمن و لم يرى " ... وده إثبات للاهوت وقيامة السيد المسيح
2. الأحد الثانى : (خبز الحياة )
بيتكلم عن أهمية التناول من جسد ودم ربنا ... يقول رب المجد فى إنجيل القداس " أنا هو خبز الحياة من يقبل إليّ فلن يجوع ومن يؤمن بى فلن يعطش أبداً "
3. الأحد الثالث ( الماء ) : ينبوع الحياة
زى ما بنقرأ السامرية فى الصوم الكبير نقرأها أيضاً فى الخماسين ... لأن ربنا بيبين فيها إنه وحده ينبوع الحياة لكل عطشان مش العالم ... قال الرب للمرأة السامرية " كل من يشرب من هذا الماء يعطش أيضاً أما من يشرب من الماء الذى أعطيه أنا له فلن يعطش إلى الأبد ، بل الماء الذى أعطيه له يصير فيه ينبوع ماء ينبع إلى حياة أبدية "
4. الأحد الرابع : (نور العالم )
القيامة نقلتنا من الظلمة إلى النور ... وربنا أعطانا النور ده بكلمته " أنا جئت نوراً للعالم حتى ان كل من يؤمن بى لا يمكث فى الظلام " ... لازم نثبت فى كلمة الله ( الإنجيل ) ونمشى عليها لأنها هى اللى بتنور طريقنا " سراج لرجلى كلامك ونور لسبيلى "
5. الأحد الخامس : (طريق الحياة )
ربنا مش بيرشد للطريق ... ربنا هو نفسه الطريق (طريق الحياة الأبدية ) " أنا هو الطريق والحق والحياة ، ليس أحد يأتى إلى الآب إلا بى " ... أى حد فينا يحس إنه تايه لازم يفتكر إن ربنا وكلام ربنا هو الطريق الوحيد
6. الأحد السادس : (الصلاة )أو الفرح
ده الأحد اللى بعد عيد الصعود على طول ... وفى الفترة بين الصعود وحلول الروح القدس كان التلاميذ مجتمعين فى علية مارمرقس بيصلوا بروح واحدة وبحرارة كبيرة لمدة 10 أيام ... وطبعاً لازم اللى يصلى بحرارة ينال أهم وأحسن عطية ( الروح القدس )
7. الأحد السابع : (الروح القدس )
حلول الروح القدس ... روح الحق المعزى ... يوم ميلاد الكنيسة لأنه اليوم اللى بدأ فيه الرسل كرازتهم للعالم كله ... الروح القدس يعمل فينا بقوة ويرشدنا إلى الطريق والحق والحياة الأبدية .
âپ¦++âپ©فعلاً حكمة عظيمة من الكنيسة ... بدأت بالقيامة والثبات فى الإيمان والحياة فى طريق الصلاة والثبات فى نور الكتاب المقدس والخبز الحى ( التناول ) ينبوع الحياة ...
فنصعد بأرواحنا وقلوبنا وعقولنا للسماء ... ونمتلئ بالروح القدس المحيى .

كــــل ســـــنه وحضـراتكـــم طيبيــــــن

[Ramez5]

موضوع مثمر وجميل جداً
ربنا يفرح قلبك

[walaa farouk]

موضوع جميل
ربنا يفرح قلبك

[Mary Naeem]

مشاركة جميلة جدا
ربنا يبارك حياتك

[roma1611]