احلى مواقف فى الدراسة

[ميرو]

احلى مواقف فى الدراسة

:D:D:D:D:D:D:D
اللعبة دى من تاليفى \ ميرو

ومش هتتلقوها فى ااااااااااااااااااااى منتدى تانى خالص

امبارح قاعدنا انا واالبت شيرى وموتنا من الضحك بجد
انتم طبعا هتسالونى لية ؟؟؟؟؟؟

انا هرد عليكم وهقول ؟؟؟؟؟؟؟؟؟؟؟؟؟؟؟
علشان افتكرنا المواقف اللى حصلت معانا فى الدراسة
:D:D:D:D:D:D:D:D:D

انا النهاردة قررت اعمل الموضوع دة علشان نقول كل المواقف المضحكة اللى حصلت معانا فى ايام الدراسة
كل واحد يدخل يقول لينا احلى مواقف حصلت معاة فى الدراسة واجمل الذكريات مع اصدقائة


احلى مواقف فى الدراسة

[بنت معلم الاجيال]

هو الموضوع جميل بس محتاج ذاكرة شوية

عموما انا اول ما افتكر حاجة هقولك علي طول وبجد ذكريات جميلة اووووووووووووووووووي

[روشا الفرفوشه]

ههههههههههههههههههه
معاكى يا رونيا انا
ديه ممكن تسئلى فيها الصغنين
ههههههههههههههههههه

[Ebn Barbara]

ههههههههههههههههههه
اقول طيب ومن غير فضايح
هههههههههههههههههه
بصوا بقي
انا كنت الي حد ما بيبان عليا اني شاطر وانا في اولي اعدادي كده
المهم في ولد زميلي اسمه مايك كان بيتفق معايا ايام الامتحانات اني احاول اغششه لانه بيقعد جنبي ايام الامتحان
وقصاد كده بعد كل امتحان يديني بليتين ونلعب بيهم بعد مانخلص الامتحان
وبما اني خايب في موضوع البلي واللع فكان بياخدهم مني هو وصحابه في اول دور وبعدين اقعد اتفرج عليهم
المهم فضلت كده لحد اخر امتحان فبقوله فين البلي بتاعي قعد يضحك هو وصحابه عليا
وقالي ماخلاص ياحبيبي الامتحانات خلصت
روحت بقي قلت في نفسي ماشي روحت شاري 4 بليات ب 10 قروش
وقلتهم حالعب معاكم فطبعا ضحكوا عليا وقاله يالا نلعب وناخدهم منه زي كل يوم
فبدل مانلعب بليه بليه
فقلتلهم حالعب علي 4 بليات مره واحده فكل واحد طلع 4
فاتحط علي الارض 20 بليه
فهوووووب سبحان الله ظهرت عليا حرفنت بلي الاهيه وكسبت 20 بليه
وخدتهم كلهم وقلتلهم مش لاعب تاني
ومشيت قعدت العب ب 20 بليه طول الاجازه بقي
هههههههههههههههههه
فبعد ماكل يوم بيديني بليتين علي مدار 3 ايام وبياخدهم مني وبيضحك عليا
انا في لحظه كسبت 20 بليه ومشيت وسايبهم بيضربوا اخماس في اسداس ونكدت عليهم في اول يوم اجازه
ههههههههههههههههههههههه

[concord]

ههههههههههههههههههههههه دانا محتاج كتاب
بس فكرة هايلة
مرة قبل كده فى الأمتحانات كنا انا وواحد صاحبى خلصنا امتحان وكان فاضل واحد بصينا فى الجدول لقينا لسه فاضل ساعة على ما الأمتحان التانى يبتدى قمنا نطينا من على السور بتاع المدرسة وروحنا جبنا أكل وقعدنا على القهوة ولعبنا شطرنج وشربنا شاى والساعة عدت قمنا روحنا تانى المدرسة بنبص ملقناش حد موجود خالص بنط من على السور لقينا أستاذ واقف وبيبص علينا واحنا بنط ههههههههههههههههه قلتله سلام عليكو قالى وعليكم السلام يا أخويا الأمتحان ابتدى بقاله نص ساعة هههههههههههههههههههههه قمنا طيرنا على اللجنة بتاعتنا والحمد لله ربنا ستر أتارينا بقى شوفنا فى الجدول الأمتحان بتاع تانى يوم مش بتاع اليوم اللى كنا فيه ههههههههههههههههههه

موضوع جاااااااااااااااااااامد أأأأأأأأأأأأأأأأأأأأأأأأأأأوى

[sama smsma]

ههههههههههههههههه شرانى انت خالص يا مايكل

حلو اوى الفكرة دى يا ميرو
عليكم افكار مفرقعة
هههههههههههههههههههههههههههههههههههه

بما انى كنت هادية جدا جدا لما كنت صغيرة
ماكانش حد بيسمعلى صوت خالص
وكنت بتكسف اروح اتعرف انا على حد او ابتدى كلام
فحبيت اعمل حاجة حلوة الفت بيها انتباه البنات فى المدرسة
بودرة العفريت

فكرت اجيب بودرة العفريت
واحطها فى قفا البنات فى المدرسة
علشان يهرشوا ويموتوا من الهرش
ودا قفا مش اى كلام يعنى
ههههههههههههههههههههههههههههههههه
روحت حطيتها فى قفا البنات اللى قدامى واللى جنبى
فقعدوا يهرشوا وينفضوا هدومهم على اللى قدامهم واللى جنبهم واللى وراهم
هههههههههههههههههههههه
الفصل كلة قعد يهرش ماعرفش لية
هههههههههههههههههههههههههههههه
جت الميس اللى بتراقب الدور بتاعنا
وسالتهم فى اية انتوا جربانين ولا اية
هههههههههههههههههههههههههههه
فقالولها انى حطيتلهم حاجة بتخليهم يهرشوا فى قفاهم
راحت واخدانى ووديتنى للناظر
حظى الحلو بقة
انى لما دخلت للناظر
هى سابتنى وخرجت
والناظر كان مشغول جدااااااااااااااااااا وبيرغى فى الفون
راح شاولى بايدة اطلعى برة
هش هش
هههههههههههههههههههههههههههههههههههه
جريت على الفصل وبكل ثقة ومبتسمة
دخلت وقعدت لقيت الكل بيبصلى وخايفين منى
هههههههههههههههههههه
تانى يوم لقيت بنات كتير جم يتعرفوا عليا
ومنهم اللى لسة اصحابى لغاية النهاردة
شوفتوا بقى بودرة العفريت بتاعتى عملت اية
هههههههههههههههه

[باسم الحزين]

ههههههههههههههههههههههههههههه
ههههههههههههههههههههههههه حلوة يا سمااااااااااااا هههههههههه بودرة العفريت هههههههههههههههه

[sama smsma]

المشاركة الأصلية كتبت بواسطة باسم الحزين

ههههههههههههههههههههههههههههه
ههههههههههههههههههههههههه حلوة يا سمااااااااااااا هههههههههه بودرة العفريت هههههههههههههههه

هههههههههههههههههههههههه
خافوا منى انا ممكن اجيبهالكم هنا
هههههههههههههههههههههههههههههههههه

[باسم الحزين]

طبعا مش نهون عليكى يا اطيب سما
ولا اية ههههههههههههههه بس ممكن لووو ساعة الضيقة جاءت ههههههههههههههههههههه
انتى هادتى بودرة العفريت وانا اجيبلك فأر اعمى هههههههههههههههههههه

[Magdy Monir]

فكرتينى بالذى مضى أختى ميرو
ههههههههههههه
بصوا بقى أنا أيام ثانوى كنت شقى جداً أنا ومجموعة من أصحابى
لدرجة اننا عملنا مرة مظاهرة سنة 85 نطالب بتغير مدير المدرسة
لانه أصر على دخولنا المدرسة بالملابس العسكرية
(وكانت عبارةعن بيادة زى اللى بيليسوها المجندين
وبنطلون كحلى قريب من الجينز وقميص لبنى )
كان اللبس دة بنستلمه مع الكتب الدرسية
المهم أنه كان فيه مدرسين يخشون الدخول للفصل بتاعنا
واللى كان جدوله يقع فيه فصل 2-3 رياضة حديثة
كان يعتذر من التدريس وممكن ياخد أجازة لغاية مايحطوا مدرس للمادة بدل منه
وكان المدرسين الكبار والخبرة كانوا بيكسبونا بالود والعلاقات الشخصية معانا
لدرجة أنهم كانوا بيشربوا سجاير مع الطالب اللى بيشرب
أمثال ذلك كان منهم الأستذ الفاضل أحمد عادل مؤلف كتاب المعلم فى الفيزياء
والأستاذ الفاضل سيزوستوريس ميخائيل
مؤلف كتاب المعلم فى الكيمياء
وكان يُقدم مادة الكيمياء فى البرامج التعليمية
اللى كان بيقدمها التليفزيون المصرى
وكان علاقتى بيه كويسة جداً
وكنت أحبه جداً على المستوى الشخصى
كمدرس يُتقن ماده وكصديق لى وللكثيرين من أصدقائى
المهم أنتهى العام الدراسى
ويوم ظهور نتيجة الثانوية العامة
كنا منتظرين فى المدرسة وكان وقتها النتيجة بتُعلن فى ميكرفون المدرسة
يتم قراءة أسماء الناجحين ورقم جلوسهم ومجموعهم
انا وقت اعلان النتيجة كنت قاعد على سور بلكونة الدور الرابع
وتم أعلأن النتيجة
وكان الأستاذ سيزوستوريس ميخائيل هو اللى بيقراء أسماء الناجحين
وحب يخلص منى كل اللى كنا بنعمله فى المدرسين
قعد يقرأ اسماء الناجحين لحد لما وصل لأسمى
قرأ الأسم اللى قبلى والأسم اللى بعدى وأنا فوت أسمى
قلت بس أنا كدا هأعيد السنة وكنت هاقع من الدور الرابع من الصدمة
لقيته رجع تانى لأسمى وبيضحك وبيقولى مبروك يازفت
فنزلت جرى من الرور الرابع وكنت بأكسر فى باب حجرة الكنترول
علشان أدخل واضربه على هزاره التقيل أوووووووى
لقيته خرج من الحجرة وحضنى وقالى مبروك
فهديت وسكت وشكرته على تحمله لينا طوال مدة ثلاث سنوات
ودى كانت من نوادر فصل 2-3 رياضة حديثة
بمدرسة شبرا الثانوية