|
 |
 |
 |
|
|
|
رقم المشاركة : ( 1 )
13 - 02 - 2021, 08:58 PM
|
|||||||||||
|
|||||||||||
 دكتورة أطفال بتحكي: من أسبوع جالي توأم بالعيادة...كنت متعوده اشوفهم بيطنطوا حواليا.. وزي القمر هما الاتنين... ولابسين شيك ومنورين من النظافه والسعاده و الإهتمام ...😊😊 بس المره دي داخلين شكلهم غريب ...متبهدل شويه... البنوته مش مسرحه حلو والولد لابس لبس مش لائق علي بعضه ومنعكش ومش بيضحكو خالص... ودخلو ركن الألعاب في العيادة بيلعبو بصمت وقله حيله.. مسلموش عليا.. ولا اطنططوا حواليا زي كل أطفال عيادتي.. 🤔🤔🤔 استغربت بس سكت قلت يمكن عيانين اوي والاب جاي بيهم لوحده... شكله محتاس ومكسور...سألته بحسن نيه... آمال مدام فلانه مامتهم مجتش ليه تعبانه او اتعدت منهم ...؟؟ لاني من عادتي اطمن علي غياب الام... بصلي بصه مش قادره أنساها... حيره وصمت... وقال لي اتوفت الله يرحمها 😢💔😢 قلتله ازاي دي لسه كانت عندي قريب وصحتها تمام... قالي حادث سياره والحمد لله... اخدو قلبي وأم عيالي... مقدرتش امسك دموعي...بس حاولت عشان مزودش همه... قلتله طب الولاد مع مين وحضرتك شغلك كله سفر.... قال لي مع جدهم وجدتهم بس كبار في السن.. . فمبقوش يروحو حضانه ولا يخرجو الا لما اجي عشان السلم... ومش قادرين يلبسوهم ولا يعالجوهم لانهم كبار في السن.... قلتله طب خالتهم او عمتهم... قالي جمله مش قادره انساها (كله عامل نفسه مش واخد باله يا دكتوره.... كله همه بيته وبس... محدش بيساءل عنهم)😥😥😥😥 حزنت جدا وانا بكشف علي الولاد من لبسهم المبهدل وريحتهم الوحشه و حزن عنيهم وكسره ضحكتهم وانا بلاعبهم كان نفسي يضحكو زي زمان ويطنطوا علي سرير الكشف واعاكسهم... كان نفسي اعرف اضحكهم زي زمان... معرفتش..فشلت.. .لان مصدر سعادتهم راحت ربنا يرحمها ويصبرهم الرساله من القصه دي مش اننا نزعل وخلاص....لا ... الرساله أن العمر قصير ولحظه بتفرق الصحه من المرض.. .لحظه بتفرق الموت من الحياه...😥😥😥 وخفت اوي اسيب ولادي واموت يحصلهم كده... الرساله التانيه والاهم .... اوعي تعمل نفسك مش واخد بالك من طفل يتيم في عيلتك... لو انت خاله او عمه او خال او عم.. افتكر أن اليتيم ده حته منك ...من لحمك ودمك...ومكانه في بيتك وقلبك... ازاي تنام وتاكل وتشبع .... وانت عارف ان ابن أختك او اخوك نايم جعان او محروم من الحنان والاهتمام.. عارفين البنت قالتلي ... تعرفي تسرحيلي زي ماما 👱 دي اقصي اماني البنوته...تسريحه مامتها لها 😥😥😥 عارفين وجع قلبي وانا بحاول افتكر تسريحه شعرها مع مامتها الله يرحمها.... عارفين أن في خاله وعمه مطنشين.... وسايبين الولاد مع مسنين محتاجين رعايه اكتر من الاطفال... ازاي القسوه دي....بجد!! عندي إيمان ان ربنا اكيد مش هيسيبهم.. مفيش حاجه بعيده علي ربنا... ربنا قادر يفرحهم تاني... يارب يارب واحنا نتعلم الخاله والعمه والخال والعم مش لقب. . لا.....ده مسؤوليه وكلكم راع وكلكم مسؤول عن رعيته..... حط بصمه في حياه الاطفال في عيلتك.... متعملش نفسك مش واخد بالك... لان الاطفال واخده بالها كويس... وربنا يربط علي قلب كل يتيم ويرزقه حنان أهله يارب 
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| سيب بصمه وأثر في الحياة |
| سيب بصمه حلوه |
| لو عيلتك مش بتحب الأكل البايت اعرفى ازاى تستغليه لإعداد وجبات مختلفة |
| لو بتطبخى فى الحلل التيفال..8 نصائح عشان تحمى عيلتك من أخطارها |
| بصمه الحشرات |
العرض المتطور